"Siguimos calteniendo una amplia programación pal
públicu infantil na antigua fábrica, onde anguaño amás de faese una semeya nel
yá tradicional Photocall, tolos neños y les neñes qu'alleguen van poder
esfrutar d'un taller de frixuelos y tastiar un vasu de chocolate" esplicó
la conceyala d'área, Paula Cuervo.
Les celebraciones van
dar empiezu'l 28 de febreru con actividaes infantiles y el desfile de antroxo
2017, que va partir a les 20:30 hores de la Plaza de La Baragaña y va terminar
na Fábrica d'Ortiz.
"Anguaño
ampliamos el concursu creando tres
modalidaes, individual, pareyes y grupal, onde van poder participar toles
persones que la deseyen a partir de los 12 años d'edá, amás el desfile va ser
amenizado por un grupu de guirrios que van abrir el desfile y acompañaos de la
Fanfarria "Pepe el Chelo sus marchosos", que nunca falten a la cita
festiva del mes de Febreru en Candás" - comentó la edil.
La fiesta conclúi'l
1 de marzu a les 18:00 hores col tradicional Entierru de la Sardina, el grupu
de Teatru Les Ayalgues según la
fanfarria "Pepe el Chelo" de Candás, van ser los encargaos de
amenizar el desfile hasta'l Puertu, onde pirotecnia Morís va rindir los honores
finales.
"Adelantóse la
celebración del entierru de la sardina
pa facilitar la participación de más xente nel mesmu. N'años anteriores daba
empiezu a les 20:30 hores, y dende l'equipu de gobiernu entendemos que al nun
ser festivu a otru día pa munches families ye complicáu poder asistir. Oxalá
con esti nuevu horariu anímense más persones a paticipar" - concluyó la
conceyala.
Albandi
