Control de materia sedimentable: El Consistoriu va asitiar trés captadores de partícules na redolada industrial de Tabaza

El Consistoriu de Carreño, siguiendo cola so política medioambiental, va incidir nel control de les emisiones de materia sedimentable na redolada de Tabaza. El consistoriu axudicó una nueva campaña de control medioambiental que consiste nel allugamientu de trés captadores de partícules nesa redolada, que xunto colos mididores de la compañía Arcelor-Mittal, van recoyer los datos de les emisiones. 

“Recoyemos los datos trimestralmente ya intercambiamos la información con Arcelor-Mittal por que tome les midíes oportunes col fin d'evitar estes emisiones”, señaló Gabriel Rodríguez, conceyala de Mediu Ambiente.

“Estes midíes, a tomar en casu d'emisiones, son sencielles d'acometer pero non por ello menos importantes, implicaríen per parte de la empresa'l controlar que se faigan les cubriciones, riegos, asperxadures etc, adoptando estes midíes puede evitase la suspensión de partícules en casi la so totalidá”-afirmó Rodríguez.

“Estos captadores de partícules xuníos a la estación de midida que pretende instalase -col presupuestu de 2017 en conveniu col Principáu- demuestren el nuesu compromisu col Mediu Ambiente. Actuamos dientro de les nueses competencies y en collaboración cola Alministración Rexonal, pa tar vixilantes y que les empreses de la nuesa redolada cumplan con llei en materia d'emisiones”-repostió'l conceyal.