Diverses actividaes gratuites y, per primer vegada, ufiértase la
posibilidá d'almuerzos y comida a abonar poles families.
El Conceyu de Carreño al traviés de la Oficina d'Información
Xuvenil de la Mancomunidá del Cabu Peñes y la Conceyalía de Mocedá
programa, un añu más, una nueva edición de les colonies infantiles
y xuveniles “Vive Carreño”. Nesti casu va ser la VIII
edición y va desenvolvela la empresa Vita Events.
Les Colonies tán dirixíes a neños y neñes de 4 a 6 años y de
7 a 12 años. Les actividaes son GRATUITES van tener llugar de llunes
a vienres, mientres 7 selmanes dende'l 3 de xunetu al 19 d'agostu,
n'horariu de 10 a 14 hores, nel Centru Polivalente de Candás.
“Toles actividaes van tar afeches a les edaes de los neños y
les neñes y habrá determinaes actividaes que se van realizar
n'inglés, amás van faese salíes pola redolada” – comentó
la conceyala de Turismo Paula Cuervo.
Les actividaes programaes que se van impartir nesta nueva edición
de les colonies “Vive Carreño” son les siguientes:
Actividaes y talleres temáticos.
Busques de l'ayalga y gymkanas.
Actividaes multideportives y xuegos al campu.
Actividaes culturales y n'inglés.
Talleres de cocina creativa saludable.
Actividaes d'educación emocional
Fiestes temátiques
Salíes pola redolada
“Anguaño per primer vegada va ufiertase serviciu d'almuerzu
y comida a los participantes, les families van poder escoyer les dos
posibilidaes o namá una d'elles, ye opcional y el preciu del
serviciu va ser abonáu – previa reserva - directamente poles
families na Cafetería del Centru Polivalente La Baragaña, que van
ser los encargaos de dar el serviciu” – esplicó la conceyala
de área.
“L'horariu del serviciu d'almuerzu va ser de nueve y media a
diez y el de comida de dos a trés, Vita events que foi a la empresa
axudicataria del programa va encargase tamién de l'atención a los
neños y les neñes mientres l'horariu d'almuerzos y comíes” –
añedió la conceyala.
Los precios del serviciu de comedor van ser los siguientes:
Namá almuerzu: 2,30 euros/ persona y día
Namá comida: 5,50 euros/persona y día
Almuerzu + comida: 6,50 euros persona y día
Les inscripciones podrán realizase los díes 19, 21 y 23 de xunu
na Oficina Xoven de la Mancomunidá Cabu Peñes asitiada nel Centru
Polivalente La Baragaña de Candás n'horariu de 9 a 14 hores.
“Dende l'equipu de gobiernu del Conceyu de Carreño siempres
trabayemos por que una conciliación familiar sía posible nel
conceyu, llevamos ocho años ufiertando esti tipu d'actividaes en
Carreño, y anguaño damos un pasu más ampliando los horarios y
ufiertando un serviciu d'almuerzu y comida a demanda de delles
families. Esta propuesta recuéyedr nel procesu de presupuestos
participativos.” – concluyó la conceyala.
Albandi
