“Énte la esistencia de la plaga Picudu Colloráu n'Asturies
y por que puedan aplicase les midíes de erradicación y control
oportunes, previstes por Conseyería de Desenvolvimientu Rural y
Recursos Naturales según dar en la inspección de localizaciones
nesti conceyu, ye imprescindible ellaborar, en collaboración cola
Conseyería, un censu de Palmeres, tantu públiques como privaes,
esistentes nel conceyu” – señaló Onésimo Velasco, conceyal
del Conceyu.
“Pa facilitar al vecinderu del conceyu la comunicación que
tienen de faer al a Conseyería de les palmeres de la so propiedá,
articuláronse mecanismos d'información y ayuda pa unviar la
documentación riquida dende Candás ensin tener que movese a
l'alministración rexonal” – avanzó Velasco.
Por aciu Resolvimientu de 8 de febreru de 2018 (B.O.P.A. de
22-02-2018), la Conseyería de Desenvolvimientu Rural y Recursos
Naturales declárase la esistencia nel Principáu d'Asturies, del
organismu nocivu “Picudu colloráu de les palmeres”,
Rhynchophorus ferrugineus (Olivier). La presencia d'esti escarabayu,
constitúi un peligru pal caltenimientu de les palmeres, causando
xeneralmente la destrucción y muerte de les mesmes si nun ye
controláu a tiempu, pero entá nel casu de llegar a controlase
produz daños importantes, qu'amenorguen significativamente el valor
ornamental de la palmera afectada. En virtú d'ello, adoptáronse
dende'l gobiernu rexonal diverses midíes fitosanitaries pa la so
erradicación y control, énte lo cual, dende esta alministración
local, informóse al vecinderu al traviés de un BANDU INFORMATIVU.
“Trátase d'una plaga qu'afecta puramente a distintes
especies de palmeres. Ye improbable la detección visual temprana de
la infección, polo que, dende'l Principáu, consideróse necesariu
recordar a les persones que tengan palmeres nes sos propiedaes la
esistencia de la plaga y les midíes fitosanitaries obligatories pa
evitar la proliferación del curculiónido” – esplicó'l
conceyal.
Por que puedan aplicase les midíes de erradicación y control
oportunes, según dar en la inspección de localizaciones nesti
conceyu, ye imprescindible, per un sitiu, ellaborar en collaboración
cola Conseyería, un censu de Palmeres, tantu públiques como
privaes, esistentes nel conceyu. La Conseyería de Desenvolvimientu
Rural y Recursos Naturales nel Boletín d'avisos fitosanitarios
d'Avientu de 2017, pon a disposición de la ciudadanía información
relevante sobro esta plaga con indicaciones pa tratar d'evitar la
infestación.
A tal fin y n'ares de facilitar esta tramitación al vecinderu de
Carreño, el Conceyu va collaborar recepcionando tola documentación
que se precisa presentar énte l'alministración rexonal recoyéndola
n'el mesmu Conceyu. Dende equí va unviase directamente a la
Conseyería correspondiente. Dicha comunicación en Carreño podrá
faese:
PRESENCIALMENTE indicando los sos datos al traviés del Rexistru
Municipal, sito nel Conceyu, c/ Santolaya, 1/3 de forma presencial
nel horariu d'atención al públicu ( De Llunes a Vienres de 9 a 4 h.
y Martes y Xueves tamién n'horariu de tardes de 15 a 18:30 h.). En
dependencies municipales van facilitáse-y copies impreses de la
documentación que tien d'unviase a la Conseyería.
TELEMÁTICAMENTE descargando y rellenáu primeramente l'impresu a
rellenar ( Anexu II del BOPA 22.02.2018) que van poder llograr nesta
web. Una vegada rellenáu hai d'unviase a la siguiente dirección
electrónica: registro@ayto-carreno.es .
“Amás, hai que recordar que debe comunicase, por cualesquier
de los preseos mentaos l'apaición de cualesquier de los síntomes
habituales del ataque de la plaga. Estos síntomes pueden consultase
nel Boletín d'avisu fitosanitariu yá citáu . Y que de confirmase
la infección, va dase en comunicar a l'alministración del Principáu
d'Asturies l'apaición de síntomes d'ataque del organismu. Les
plantes afectaes llevemente tendrán de ser trataes con productos
autorizaos .Les plantes que pola gravedá del ataque resulten
irrecuperables tendrán de ser esaniciaes de forma controlada. Les
fradadures, plantíos, baltes y tresplantes de les plantes declaraes
sensibles van tar a lo dispuesto nel Resolvimientu de la Conseyería
de Desenvolvimientu Rural y Recursos Naturales citada.
Considérense plantes sensibles les siguientes: Areca catechu,
Arecastrum romanzoffianum (Cham.) Becc., Arenga pinnata, Borassus
flabellifer, Brahea armata, Butia capitata, Calamus merillii, Caryota
maxima, Caryota cumingii, Chamaerops humilis, Cocos nucifera, Corypha
gebanga, Corypha elata, Elaeis guineensis, Howea forsteriana, Jubea
chilensis, Livistona australis, Livistona decipiens, Metroxylon sagu,
Oreodoxa regia,Phoenix canariensis, Phoenix dactylifera, Phoenix
theophrasti, Phoenix sylvestris, Sabal umbraculifera, Trachycarpus
fortunei y el xéneru Washingtonia” – concuyó l'Edil.
Albandi
