Un añu más el Conceyu de Carreño
convoca les subvenciones a actividaes de cooperación al
desenvolvimientu pa les organizaciones non gubernamentales. Una
vegada publicáu l'estractu de la presente convocatoria nel BOPA núm.
116 de 21-V-2018 queda abiertu'l plazu pa presentar les
solicitúes dende'l día 22 de Mayu, mientres
30 díes.
Van Poder optar a elles aquelles
Organizaciones Non Gubernamentales de Desenvolvimientu que cumplan
con los requisitos de tar inscrites nel Rexistru de ONGD
del Principáu d'Asturies con un añu d'antelación a la fecha de
presentación de la solicitú; xustificar debidamente los gastos
correspondientes a les subvenciones y/o ayudes, esixentes y vencíes,
concedíes con anterioridá pol Conceyu de Carreño; según tar
al corriente de les obligaciones tributaries y de la Seguridá Social
y disponer de la estructura abonda pa garantizar el cumplimientu de
los sos oxetivos. Aquelles ONG qu'alleguen per primer vegada tendrán
d'acreditar previa y documentalmente la execución de más de dos
actividaes de cooperación al desenvolvimientu.
Na anterior convocatoria
correspondiente al añu 2017, el Conceyu de Carreño fixo
aportaciones a los siguientes proyectos:
–Accesu universal y equitativu a
l'agua potable na comunidá rural indíxena de Cruz del Norte
Bolivia de Fundación Cauce
–Fortalecimientu del texíu
asociativo al traviés de la formación de miembros de les entidaes
ensin ánimu d'arriquecimientu en República Dominicana. FASE II del
Institutu d'Estudios pa la Paz y la Cooperación
–Cultivo de la Moringa, pa la meyora
de les condiciones de Salú y Medioambientales na Comuña
de Gouandiaka de Medicus Mundi
–Proyectu pa la meyora integral y
fortalecimientu de la Comunidá educativa de Salikenni de Asociación
Asturies per África –Procesu de capacitación
y comunicación en rede, pal
fortalecimientu de les capacidaes na Defensa de los DDHH
d'organizaciones rurales colombianes na construcción d'una cultura
de paz escontra una sociedá proactiva, xusta, con equidá de xéneru
y respetu pola vida de Soldepaz Pachakuti
–Menguada la mortalidá/*morbilidad
causada por enfermedaes cróniques ente la población saharagüi
abelugada nos Campamentos de Tindouf (Arxelia). Edición
2017 de l'asociación Médicos del Mundo
–Construcción de cancha deportiva
nel Centru de Formación Integral Manolo Maquieira de Asociación
pa la Cooperación Seronda
–Na Kua Na Gia de Solidaridá
con Benín
–Meyora de les condiciones d'accesu a
l'agua potable, hixénicu-sanitaries, medioambientales y
d'organización, con especial incidencia na equidá de xéneru,
de 2 families del caserío de Tonajuyú, Conceyu y Departamentu
de Chimaltenango (Guatemala) de Asamblea de Cooperación
pola Paz
–Neños y neñes
Maya Q’eqchi ameyorando'l so estáu nutricional presente
y futuru con “Comedores y Güertos escolares” en cinco
comunidaes indíxenes del sur del departamentu de Petén,
Guatemala de Global Humanitaria
–Sofitu sosteníu al pueblu
saharagüi: caltenimientu de la seguridá nos campamentos por aciu la
dotación ya instalación de cámares de seguridá d'Asociación
Asturiana Amigos del Pueblu Saharagüi
–Abriendo caminos: Midíes
preventives y d'atención pa la protección de muyeres indíxenes que
sufren violencia de xéneru nel estáu de Tlaxcala y pal fomentu de
la Equidá de Xéneru y los derechos humanos de ONGD Acción
ensin fronteres
–Fortalecimientu de l'autonomía
indíxena: Dotación d'un sistema d'agua comuñal en Yá’lchuch,
Chiapas, México de Fundación Hijos del Maíz
–Salú y Saneamientu en poder de
muyeres indíxenes Maya Ixil y Maya Kiché en
Guatemala de Cultura Indíxena Principáu d'Asturies
–“Llaqtanchiki Rayku Llamkasun Cajasolwan”
Trabayando pol nuesu pueblu: Contribuyendo al desenvolvimientu de
families Alpaqueras en comunidaes Altoandinas de
Huancavelica de Asociación Madre Coraje
–“Promoción d'espacios formativos
pa la población Infantil y xuvenil de la ciudá de Kinshasa” de
Fundación Páxaru Azul.
Albandi
