Nel centru polivalente La Baragaña desenvolvióse la
primer xornada formativa impulsada pol Conceyu para entidaes ensin
ánimu d'arriquecimientu.
La llei estatal 39/2015, de 1 d'ochobre, del Procedimientu
Alministrativu Común de les Alministraciones Públiques establez la
obligatoriedá de les persones xurídiques de rellacionase al
traviés de medios electrónicos coles Alministraciones Públiques
para la realización de cualquier trámite d'un procedimientu
alministrativu de rellacionase per medios electrónicos. Para
facilitar el cumplimientu de la mesma a les entidaes del conceyu'l
Conceyu, al traviés del Departamentu d'informática, tresparencia y
participación ciudadana, impulsó un plan formativu local. A esta
primer sesión formativa para les asociaciones del conceyu de Carreño
allegaron 17 entidaes.
Aurelio Junquera, Responsable del Centru de Dinamización
Tecnolóxica Local, impartió la primer formación. Nella, trabayaron
colos métodos d'identificación al traviés de medios telemáticos,
como'l certificáu dixital de representante de persona xurídica,
según los trámites necesarios para'l so llogru per parte de les
asociaciones del conceyu.
“El conceyu pretende nun perder el tren de la tramitación
electrónica, Por ello, non yá ye importante que'l Conceyu
modernícese, tamién ye necesariu que la ciudadanía avance nesta
dirección para poder rellacionase y tramitar electrónicamente. Les
entidaes ensin ánimu d'arriquecimientu de Carreño son un activu
importante para la participación ciudadana, han de tar capacitaes
para poder rellacionase con toles alministraciones electrónicamente
y siguir funcionando nesti marcu regulatoriu. La llei estatal asina
lo impon y dende lo local queremos ayudar al vecinderu a que pueda
faer frente a estes esixencies”- esplicó Amelia Fernández,
Alcaldesa de Carreño.
“Al traviés d'el CDTL C@rreño Digit@l facilítase
a les asociaciones municipales la documentación necesaria para'l
llogru del certificáu dixital, según ponse a disposición d'eses
asociaciones un ordenador dedicáu para la realización de los
trámites necesarios, nun primer momentu pa esi llogru y más
palantre pa la realización de trámites por medios electrónicos
coles distintes alministraciones, tantu local como autonómica o
estatal” – esplicó l'Alcaldesa, Amelia Fernández.