El Conceyu de Carreño al traviés de la Oficina d'Información
Xuvenil de la Mancomunidá del Cabo Peñes y la Conceyalía de Mocedá
programa, un añu más, una nueva edición de les colonies infantiles
“Vive Carreño” y “Vive Carreño Rural”.
Les actividaes tán dirixíes a neños y neñes d'ente 4 y 12
años, y como novedá nesta edición tienen una cuota poles veces
selmanales:
·Ente 1-3 selmanes: 5 euros
·Ente 4-6 selmanes: 10 euros
·7 selmanes: 15 euros
El pagu de l'actividá va realizase na Tesorería del Conceyu de
Carreño una vegada confirmada l'almisión. La inscripción nun va
ser efectiva hasta que s'efectúe'l pagu.
La colonia “Vive Carreño rural” va llevase a cabu
na urbanización “Playa de Xibares” y nel Centru d'Iniciativa
Rural d'Albandi, mientres los meses de Xunetu y Agostu n'horariu de
10 a 14 hores. Les inscripciones van realizase na Oficina Joven
allugada nel Centru Polivalente “La Baragaña” de Candás o per
corréu electrónicu a oij@macabop.com los díes 11, 13 y
15 de xunu n'horariu de 9 a 14 hores.
“Los oxetivos principales de llevar a cabu estes actividaes
na zona rural nun son otros qu'intentar cubrir les necesidaes que
tienes los neños y les neñes de caltener la so actividá mientres
la dómina braniza d'una forma distinta a l'habitual, amás de
dinamizar la zona rural averando a los neños y les neñes distintes
recursos ensin necesidá de desplazamientu” – Esplicó la
conceyala de la área Paula Cuervo.
La colonia “Vive Carreño” va realizase al igual que
n'ediciones anteriores nel Centru Polivalente “La Baragaña” de
Candás, les actividaes van tener llugar de llunes a vienres,
mientres 7 selmanes dende'l 3 de xunetu al 19 d'agostu, n'horariu de
10.00 a 14.00 hores.
Les inscripciones van realizase nel rexistru de la Mancomunidá
Cabo Peñes o per corréu electrónicu
a serviciosgenerales@mcabop.com los díes 11, 13 y 15 de
xunu n'horariu de 9 a 14 hores.
“Toles actividaes van tar afeches a les edaes de los neños y
les neñes y pal bon funcionamientu y desenvolvimientu de los xuegos
y actividaes, van realizase dos grupos en relación coles edaes de
los y les participantes, un primer grupu pa los neños y les neñes
con edaes entendíes ente los cuatro y los seis años, y un segundu
grupu con edaes entendíes ente los siete y los dolce años”–
comentó la edil.
“Per segundu añu consecutivu apostamos por incorporar unos
criterios de baremación pa ordenar el gran númberu de solicitúes
que recibimos estos últimos años pa participar nes colonies y dar
asina prioridá a los neños y neñes del conceyu que les sos
families trabayen” – esplicó la edil.
Los criterios d'almisión afitaos na Comisión informativa de
Mocedá celebrada'l pasáu mes de Mayu y polos cualos ordenárense
les solicitúes presentaes son:
·Primero, menores residentes con empadronamientu en Carreño. Por
orde d'inscripción hasta finalizar les places disponibles.
·Segundu, menores venceyaos a Carreño (familiares residentes nel
conceyu, segunda residencia, familiares que trabayen nel conceyu..)
por orde d'inscripción hasta cbrir nel so casu les places
disponibles non cubiertes pola opción anterior.
·Terceru, menores residentes fuera del conceyu por orde
d'inscripción.