El Conceyu de Carreño abre'l plazu pa solicitar un stand na feria d'Artesanía de Candás que se va celebrar na Plaza Hermanos Helio del 10 al 12 d'Agostu.

La participación na feria esta empobinada namá a artesanos/es polo que va ser imprescindible axuntar cola solicitú'l documentu acreditativu de tar dáu d'alta anguaño nel censu d'artesanos de la provincia que correspuenda.

“Entendemos dende la área de turismu que los y les participantes de la Feria d'Artesanía tienen que ser artesanos/es de los sos productos, y que estos postreros tienen de responder a un procesu de tresformamientu y ellaboración d'una materia prima, entendiéndose esti procesu como un cambéu sustancial d'esta materia, polo qu'amás non s'almitirá la esposición y marcáu de productos que nun fueren especificaos na solicitú” – esplicó la conceyala de Turismu Paula Cuervo. 

Les persones comenenciudes en participar tendrán de presentar la solicitú presencialmente nel Ayuntamientu de Carreño al traviés del rexistru municipal, per corréu postal certificáu unviáu al Ayuntamientu de Carreño, Conceyalía de Turismu ó telemáticamente al corréu: registro@ayto-carreno.es.

“Les infraestructures que se van poner a la vienta van ser 22 espositores. Los precios van ser de 20 euros p'artesanos/es del conceyu de Carreño, 35 euros p'artesanos/es del restu d'Asturies, 80 euros p'artesanos/es fora d'Asturies y 30 euros p'artesanos/es en gastronimía” – comentó la edil.

El plazu pa presentar solicitúes remata'l vienres 6 de xunetu de 2018. Pueden descargase les bases ya impresu pa solicitar stand na páxina web del Conceyu de Carreño, www.ayto-carreno.es.