“El club Los Gorilas treslladónos el so interés pol usu de
la dársena del puertu para los entrenamientos y dende el conceyu
realizamos les xestiones nos organismos competentes, Puertos y la
Demarcación de Mariñes al oxetu d'avanzar nesa posibilidá”-
esplicó Gabriel Rodríguez, Edil de Deportes.
“Frutu d'estes xestiones la respuesta de la Demarcación de
Mariñes foi positiva, una y bones l'espaciu que pretende utilizase
circunscríbese al terrén de dominiu públicu marítimu-terrestre
que nun foi oxetu de tresferencia para la so xestión per parte de la
Comunidá Autónoma del Principáu d'Asturies en materia de Puertos”-
añedió'l Conceyal d'área.
“El gobiernu local siempres defendió la necesidá
d'aprovechar los espacios públicos con cuenta d'optimizar el so usu
y a la vista de la posibilidá que nos brindó la Demarcación de
Mariñes, contactóse col vixilante asignáu al espaciu portuariu pa
coordinar l'entamu del usu deportivu del club compatibilizándolo col
restu d'usos autorizaos, afitándose una primer propuesta para
empecipiar los entrenamientos dos díes a les selmana martes y
xueves, de tal manera qu'éstos puedan dir incorporándose
gradualmente pa garantizar la compatibilidá de los distintos usos
nel puertu. Vamos Caltener una xunta conxunta col Club para coordinar
col restu d'usos les midíes de seguridá y protocolos a siguir
”- concluyó Gabriel Rodríguez.