La Xunta Rectora del Patronatu Centro
Cultural Teatru Prendes, en sesión ordinaria aprobó'l presupuestu
del Patronatu pal añu 2017 por unanimidá de ediles presentes
por un importe de 247.530€.
Dos son los órganos de gobiernu del
Patronatu del Teatru Prendes. El Conseyu de Xerencia, del que formen
parte los grupos políticos PSOE, PP y SOMOS. Les representantes
de les formaciones, qu'asistieron al Conceyu de Xerencia PSOE y
Somos, dieron primeramente la so conformidá a estos prepuestos
y propunxeron pa la so aprobación al otru órganu, la Xunta Rectora,
que ye la que tien la potestá p'aprobar el presupuestu.
La Xunta del Patronatu Prendes fórmenla
representantes por designación de los grupos políticos con
representación nel Consistoriu, representantes de los Centros
Educativos del Conceyu y de les asociaciones de padres/madres de
los centros escolares, ta presidíu pola Conceyala de Cultura
Cecilia Tascón.
“Nel añu 2016 empezóse con un
plan de meyores d'accesibilidá del teatru. Esti plan trai
una serie de reformes nel Centru pa faer accesible la cortil a les
persones con diversidá funcional. Vamos Siguir anguaño con eses
meyores que propón el Plan, como ye la incorporación d'unos
baños accesibles pa tolos públicos. Nel enfotu de que toles
persones puedan aportar a la cultura, ensin faer distinción según
la so condición” señaló Cecilia Tascón,
Presidenta del Patronatu.
Fundamentalmente trés son les
actividaes culturales que se desenvuelven nel Centru Cultural Teatru
Prendes, amás d'esposiciones, alderiques,…:
- Cine: La programación
cinematográfica va siguir enfocada a les películes d'actualidá,
ensin escaecer el cine infantil o'l clásicu. El ciclu al aire llibre
o'l programa pedagóxicu añal de Cine nel que participen tolos
Centros Escolares del Conceyu.
“Como novedá pa esti 2018 ta
apostándose por incluyir Ciclos de Cine, esto ye, curtios,
documentales, charres,… que traten sobre temátiques sociales
actuales como'l feminismu, diversidá funcional, derechos humanos,
integración, salú, igualdá,… hasta la fecha xuntu cola
Asociación de Familiares y Persones con Autismu, ADANSI,
proxectóse'l curtiu “Barquitos de Papel”. Y en el mes de
setiembre en collaboración cola Asociación d'enfermos de síndrome
de sensibilización central d'Asturies, ASESSCA, va tener llugar
l'estrenu absolutu del documental “Unrest” n'Asturies“
comentó la Presidenta del Patronatu.
- Teatru: El Prendes forma parte
del Circuitu Asturianu de Teatru, d'esta manera consolidaráse
l'actual ufierta Teatral y de Danza coles Campañes el Menú
del Branu” o'l ciclu mientres seronda, iviernu y primavera “Menúes
a Escena”, en collaboración colos hosteleros locales, l'últimu
vienres de cada mes.
Asina'l próximu vienres 29 de
xineru a les 21:00 el Grupu de Teatru CIOYO de Castropol va
representar la obra “La abuela echa humo”. Un enriedu
familiar centráu na güela, trés mozos y unes llantes medicinales.
- Música: Sofitu a toles
actividaes que vienen entamando les Entidaes Culturales Musicales de
Carreño, según los grupos de rock, folk, pop,… va continuase
coles retresmisiones de la Ópera al traviés del alcuerdu cola
Ópera d'Uviéu.
“Hai que destacar nel ámbitu
llaboral, que nesti añu 2018 tola plantiya del Patronatu pasó
a xornada completa, y dende el 1 de xunu vieron como la so xornada
llaboral selmanal viose amenorgada a 35 hores selmanales, frutu del
alcuerdu ente los sindicatos y la Conceyalía de Personal. Amás a lo
llargo de esti mes de xunu va tener llugar la selección pa
cubrir la vacante de Xefe/Xefa de Cabina. Tou ello n'ares de
consolidar un empléu públicu de calidá, ameyorar la calidá de
vida del personal y la meyora de los servicios que'l Conceyu pon
a disposición de la ciudadanía” rellató Tascón.