López Arias ye un pintor formáu en
dibuxu artísticu y pintura al oliu na Escuela d'Artes y Oficios
d'Avilés. Nes sos obres reflexa paisaxes, xentes y llugares
diversos, encuadraos xeneralmente nel ambiente rural y marítimo.
Tien una clara predilección poles técniques impresionistes con un
toque personal basáu nel usu de la espátula.
Frutu de la so constancia y evolución
pictórica, nel 2001 consigue'l Diploma d'Honor. Ente que trés años
más tardes concédese-y el Premiu Estraordinariu “Hermanos Álvarez
Casariego” a la calidá. Premiu qu'otorga la Escuela d'Artes y
Oficios d'Avilés.
En palabres d'Antonia López, profesora
de dibuxu y pintura del centru formativu avilesín “Luis
suma nel so aprendizaxe académicu convencional, la maestría nel
manexu de la espátula, el coloríu harmónicu y la pasión pol
impresionismu, qu'inflúi en tola so obra. Y la suma de too ello
consigue tresmitinos la so visión personal del arte. A pesar de la
so vocación tardida, la so dedicación, el so trabayu incansable y
el so enfotu de superación fai que nun quepa la menor dulda que va
llograr rematar les sos aspiraciones artístiques”
Dellos fueron los Conceyos de la
xeografía asturiana nos que llegó a esponer a lo llargo de los
años. Hai que destacar Avilés, Castrillón, Valdés ,
Gozón, Siero, Corvera,.. siendo esta la segunda vegada
qu'amuesa la so obra en Carreño.
La esposición podrá visitase
hasta'l 1 de xunetu inclusive, nel siguiente horariu:
• Llunes a sábadu de 16 a 21
hores.
• Xueves 21 xunu de 16 a 19
hores.
• Domingu 24 de xunu de 11
a 13 hores y de 16 a 21hores
• Domingu 1 de xunetu de 11 a
13, Clausura.