Esti llunes 18 de xunu, a les 12:30 h.
el Muséu Antón recibió en conceutu de depósitu temporal la obra
de José Fernández ”escultura en bronce” realizada por Antón
alredor del añu 1932, propiedá de la familia Fernández Romero.
La entrega fíxola Ana Fernández
Romero, que caltenía esta escultura na so casa de Madrid. El
retratáu yera un tíu del so padre, qu'Antón conoció mientres la
so estancia na capital. Antonio Rodríguez García en 1930 en
consiguiendo'l mecenalgu del empresariu Alfonso Albo por aciu la
mediación del pintor asturianu Evaristo Valle treslladóse a Madrid
pa empecipiar la so formación na capital. Evaristo Valle quedó
sosprendíu al conocer la obra qu'un mozu Antón presentó nun
concursu de la Felguera. Almiráu pol trabayu que realizara aníma-y
a empecipiar los sos estudios consiguiendo'l patrociniu del
conserveru. Antón instálase en Madrid, asisti como alumnu llibre na
Escuela Cimera de Belles Artes de San Fernando y a les clases de
dibuxu del Círculu de Belles d'Artes. Amás collabora como ayudante
nel taller del escultor Juan Cristóbal. Siendo d'esta dómina la
fecha na que ta datada la nueva alquisición del muséu.
Esta obra arriquez la colección que
caltien el Muséu, una y bones les semeyes d'homes son más
amenorgaos en comparanza coles semeyes infantiles y de muyeres. Esta
semeya como les que se caltienen nos fondos del Muséu Antón ye d'un
estremáu realismu por cuenta de la so aguda caracterización
psicolóxica y fisonómica.
Los fondos del Muséu provienen na so
mayoría de la donación de la obra per parte de los sos familiares y
herederos/es. Pero tamién de persones que nun pasáu tuvieron
relación col escultor y que de forma altruista faen la donación al
Centru hasta completar les más de 350 obres que dispon el Muséu.
Nos últimos años fueron delles les persones que vencieron obres pal
esfrute del vecinderu y de aquelles persona que nos visiten,
arriqueciendo l'equipamientu municipal. Asina por casu en 2011,
coincidiendo col centenariu de la nacencia del candasín, la familia
Albo donó dos cuadros del artista local, unu d'ellos ye'l retruque
d'un oliu de Sorolla pintáu en 1933. O en 2015 la Semeya de Rita
Suárez Vega, amiga d'Antón, realizáu en lápiz sobre papel, foi
donáu pol so fíu y fía.
“Dende'l Muséu Antón queremos
estimar l'arrogancia y altor de mires de la familia Fernández Romero
pol depósitu realizáu, que supon una prueba tanxible de
l'aportación esencial ya inestimable que representa pal Muséu y pal
desenvolvimientu de la so colección. Tamién ye de destacar la
estraordinaria esplendidez de la familia depositante, que plantegó
en tou momentu la entrega ensin contrapartíes de nenguna clase, col
únicu deséu de reforzar lo meyor y al máximu posible los fondos
del muséu para esfrute tantu del vecinderu de Carreño como de los
sos visitantes”- afirmó Amelia Fernández-Alcadesa de Carreño
y Presidenta del Muséu Antón.