Na mañana d'esti 27 de xunu
instaláronse dos nuevos contenedores de recoyida de ropa, calzáu y
otros complementos nel conceyu. Unu más en Candás y otru nel
centru de salú periféricu d'El Empalme qu'atiende a la mayor parte
de la zona rural del conceyu.
Frutu d'un conveniu de collaboración
ente'l Conceyu de Carreño y Caritas koopera pa
implantación de midíes de promoción de la inclusión activa al
traviés d'actuaciones respetuoses col mediu ambiente, asitiáronse
estos dos contenedores nel conceyu, unu na redolada del CEIP Poeta
Antón de Marirreguera y el segundu al llau de la batería de
contenedores esistente nel Centru de Salú del Empalme.
“Estos dos nueves allugamientos
van completase con un tercer contenedor que vamos asitiar na redolada
de la cai Severu Ochoa, cuando rematenles obres esistentes na
zona”, señaló Gabriel Rodríguez, conceyal d'Urbanismu,
presente mientres la instalación.
Más allá del allugamientu de
dichos contenedores, y como figura n'una de les clauses del conveniu,
“ye voluntá de dambes entidaes implicase en proyectos que
tengan como oxetivu la xeneración d'empléu pa les persones más
vulnerables por aciu actividaes rellacionaes col cuidu del mediu
ambiente a desenvolver nel conceyu de Carreño”, afirmó'l
conceyal.
“Ye importante señalar qu'en
total van ser 4 los contenedores que Cáritas vamos tener disponibles
nel conceyu cuidao que dende la inauguración del puntu llimpio hai
unu en dicha allugamientu. Cola implicación de la ciudadanía
carreñense depositando nellos ropa, calzáu y complementos vamos dar
una segunda oportunidá a estes prendes contribuyendo a la
empleabilidá de colectivos en riesgu d'esclusión. Conxúgase
sostenibilidá y acción sociullaboral” - concluyó'l conceyal.
Albandi
