“El pasáu mes d'avientu, en cumpliendo la edá de llegal de
xubilación, l'anterior xefe de cabina dexó d'emprestar los sos
servicios nel Patronatu. El compromisu del equipu de gobiernu
siempres foi, y sigue siendo, apostar por un empléu públicu
estable y de calidá. Y ye por ello que se abre esta convocatoria pa
cubrir la vacante. Pero non yá tomóse esta iniciativa, a lo llargo
d'anguaño, tocantes a la meyora del serviciu en materia de personal,
si non, que los trés conserxes adscritos al Centru vieron aumentada
la so xornada llaboral, pasando de media xornada a xornada completa.
Otres de les midíes foi que a partir del1 de xunu la xornada
llaboral del tol personal del Patronatu pasó a ser de 35 hores
selmanales” señaló Cecilia Tascón, Presidenta del Patronatu del
Teatru Prendes.
El puestu a cubrir tien como funciones asignaes, ente otres,
proyecciones cinematográfiques en formatu dixital; visionado previu
de películes; control de llegada y salida de películes, tráileres
y afiches; caltenimientu d'aparatos de cabina; caltenimientu,
allugamientu, manexu y caltenimientu de los equipos de lluz y soníu;
contactu directu colos grupos teatrales y musicales que vaigan actuar
nel Centru y ayudar a montar,…. La xornada llaboral del
puestu a cubrir va ser de 35 hores selmanales.
Ente los requisitos necesarios pa poder presentase a les pruebes
de selección:
·Tener la
nacionalidá española.
·Tar en
posesión del títulu de Bachiller Cimeru o Títulu equivalente.
·Tar en
posesión del Carné de Conducir Tipu B, según disponibilidá de
vehículu propiu.
·Nun ser
dixebráu/a, por aciu espediente disciplinariu, del serviciu de
cualesquier de les Alministraciones Públiques.
La selección va realizase al traviés del sistema de
concursu-oposición, coles siguientes característiques:
·Fase
d'Oposición. Va Constar d'un exerciciu obligatoriu y eliminatoriu.
Va Ser calificáu con una puntuación máxima de 20 puntos, siendo
esaniciaes les persones que nun algamen una puntuación de 10.
L'exerciciu va constar d'una prueba práctica y de una entrevista
personal.
·Fase de
Concursu. Nesta fase'l Tribunal va valorar los méritos acreditaos
por aspirantes, otorgándo-yos una puntuación máxima de 4 puntos.
La puntuación total va llograse cola suma de la llograda na fase
d'oposición más la de la fase de concursu, siempres y cuando él o
l'aspirante superara la primer fase.
El plazu de presentación d'Instancies va rematar el 15 de
xunu a les 14:00 hores.
Les mesmes podránse presentar nel Rexistru Municipal del Conceyu
de Carreño, sito en c/ Santolaya 1 y 3, 33430 de Candás nel
siguiente horariu:
·Llunes-miércoles-vienres
de 9:00 a 14:00 hores.
·Martes y
xueves de 9:00 a 18:30 hores.
O en cualesquier de les formes que determina la Llei 39/2015 del
Procedimientu Alministrativu Común y de les Alministraciones
Públiques.
Más información na web municipal www.ayto-carreno.es, onde
s'atopen publicaes les bases d'esta convocatoria, anexos, temarios y
solicitú o tamién llamando al teléfonu 985 870 205.