La ronda de negociaciones abierta pol equipu de gobiernu pa llograr un alcuerdu sobre'l presupuestu p'anguaño va siguir tres les xunta caltenida col grupu municipal de Somos.

“Foi una xunta positiva na qu'encetemos temes que tienen que ver colos recursos humanos, la movilidá, midíes ambientales y otres inversiones d'interés”– esplicó Gabriel Rodríguez, voceru del gobiernu local.

“Ye intención del gobiernu favorecer un alcuerdu ampliu que dexe que Carreño tenga unos presupuestos y que garantice la execución de les actuaciones que puedan incorporase nel remanente”– añedió'l voceru.

“Esperamos que la responsabilidá de los grupos municipales cola solución a les esmoliciones de Carreño sía'l filo conductor d'esti procesu de negociación y pallo tamos dispuestos a valorar toles iniciatives que se plantegen”– concluyó Rodríguez.