El Centru d'escultura Muséu Antón de Candás entama nos meses de
xunetu y agostu el taller creativu “La maxa de la fotografía”,
basándose nos trabayos fotográficos de “La nueva obxetividá”,
de los años 20 del sieglu pasáu, neños y neñes van observar la
realidá cercana y la fotografía col zoom. A lo llargu del taller,
van alternar la toma y contemplación de semeyes, cola construcción
d'un álbum personalizáu nel que van pegar les sos semeyes revelaes.
Esti programa ta dirixíu a neños y neñes de 6 a 10
años. Les actividaes van realizase de martes a xueves de 11:00
a 13:00 h. La inscripción para participar n'estos talleres realizase
nel Muséu a partir d'esti miércoles 20 de xunu.