L'Ayuntamientu de Carreño entama cola Asociación
d'antigües alumnes de l'Aula de persones adultes de Candás–Encaxe de Boliyos una nueva edición de los Alcuentros d'Encaxeres de
Bolillo “Villa de Candás”.
L'alcuentru va desenvolvese na antigua Fábrica d'Ortiz y van
participar un total de 226 encaxeres que van llegar a Candás
dende dellos puntos de la xeografía española, fundamentalmente
d'Asturies, Cantabria, Galicia y Castiella- Llión. Amás, como
n'años anteriores, van asitiase nel recintu tiendes con
productos especiales de la llabor del encaxe de boliyu.
“Anguaño van ser un total de 23 asociaciones les que van
visitar Candás esti sábadu 16 de xunu, onde van pasar una xornada
completa na fábrica d'Ortiz desenvolviendo los sos llabores, amás
cuatro tiendes procedentes de Galicia, Cantabria y Castiella y Llión,
van poner los sos productos a mercar, son productos bien concretos de
la llabor a realizar y munchos d'ellos difíciles d'atopar nel
mercáu” – esplicó la conceyala de la área Paula Cuervo.
L'eventu, abiertu al públicu, va dar empiezu a les 11 hores
y va enllargase hasta les 18 hores de la tarde del sábadu.
A les 12 hores va haber un percorríu institucional pola cortil y
*salutación al cargu de la Alcaldesa de Carreño Amelia Fernández y
a partir de les 12.30 hores les persones comenenciudes van poder
realizar una visita con guía al Muséu Antón.
“Pela mañana programemos una visita empuesta al Muséu
Antón, y toes aquelles persones que quieran asistir tendrán
d'inscribise primeramente nel puntu d'información turística que'l
Conceyu va tener na mesma fábrica d'Ortiz” – comentó la
edil.
Pela tarde va siguir l'actividá na fábrica a partir de les 16
hores cuando se va realizar el sortéu de regalos al cargu de les
impulsores del eventu, antigües alumnes de l'Aula de persones
adultes de Candás, los premios son donaos por distintos comercios y
restoranes del conceyu de Carreño.
“Como tolos años estimamos dende l'equipu de gobiernu y
l'oficina de Turismu de Carreño la implicación y collaboración del
grupu de l'Aula de persones adultes de Candás, que cola so profesora
Maruxa Jiménez al frente faen que cada añu los alcuentros puedan
siguir celebrándose na villa de Candás” – concluyó la
conceyala.