El Principáu d'Asturies publicó nel BOPA la convocatoria d'ayudes pal añu 2018 del programa Fondu Européu Marítimu y Pesqueru (FEMP) y qu'inclúi a la parte del Cabu Peñes (conceyos de Carreño y Gozón). La convocatoria destina a los dos conceyos costeros un presupuestu total de 166.356,66 € pa les añalidaes 2018 y 2019. Pa proyectos d'empreses privaes destínase un total de 75.356,66 €, pa entidaes locales 61.000 € y p'entidaes ensin ánimu d'arriquecimientu 30.000 €. Les ayudes va ser tramitaes al traviés de l'Asociación pal Desenvolvimientu Integráu del Centru d'Asturies Periurbano (ADICAP) y van poder ser subvencionables aquellos proyectos qu'encaxen dientro de la estratexa local participativa del grupu ADICAP como proyectos de diversificación de la pesca, valorización del tresformamientu alimentariu y recursos pesqueros, proyectos medioambientales, etc.

Les ayudes van concedese en réxime de convocatoria abierta y en concurrencia competitiva. El plazu pa presentar solicitúes remata'l 9 d'agostu de 2018. 

El programa financiase nun 85% con cargu al Fondu Européu Marítimu y de la Pesca, y nun 15% con cargu al Principáu d'Asturies.