Impulsáu por una mínima vela, esti pequeñu buque (daqué más d'un metro d'eslora) percorrió más de 2000 milles náutiques hasta llancar na sablera Candasina de Rebolleres onde foi recuperáu por efectivos de la Policía Local de Carreño.
Tres indagaciones policiales y de la
Conceyalía de Seguridá Ciudadana de Carreño pudo sabese qu'el
Mobile Goat llancara primeramente na mariña de Llugo, siendo reparáu
nel Institutu Illa de Sarón (Xove-Llugo) y puestu nuevamente n'alta mar, pa
finalmente aportar a les mariñes de Carreño.
Una vegada recuperáu en Rebolleres, el
minibarcu quedó depositáu nes dependencies de la Policía Local,
reparándose que presentaba desperfectos na so proa dando orixe a una
vía d'agua. De la circunstancia de la so recuperación y de esos
desperfectos, diose avisu al centru educativu gallegu, informando que
pasaríen a recoyer el prototipu pa efectuar un nuevu arreglu y botar
de nuevu'l barcu pa siguir ruta. Finalmente fíxose entrega del
Mobile Goat a Eduardo Domínguez, autorizáu, a tal fin, pol centru
de secundaria IES Illa de Sarón.
 |
| Alumáu del Institutu Illa de Sarón |
Albandi
