Paralelamente a la Feria de la Conserva, per tercer añu consecutivu, el Conceyu de Carreño promueve y entama les gastroxornaes "Candás te da la lata" que consisten nuna ufierta de pinchos a base de productos de conserva. 

Previu a la xornaes, esti miércoles 18 de xunetu a partir de les 17 hores, va impartise una máster class na Escuela de Sabores "La Llariega", allugada nes antigües escueles del barriu d'El Regueral, en Candás.

"El chef ovetense Iván Villar del Rte. La Gran Vetusta va ser l'encargáu d'impartir la clase pa los establecimientos participantes nes xornaes, enseñándo-yos propuestes de platos con conserves que depués van poder poner en práctica nos sos locales mientres les xornaes gastronómiques" -comentó la edil de Turismu, Paula Cuervo. 

Van ellaborase un total de 5 platos con conserva: 

. Virigüetos con mazana 

. Ravioli de navayes y tocín ástur-celta 

. Carpacho de tomate y ventrisca y espárragos

. Chipirones con cebolla caramelizada 

. Fabes I.G.P n'escabeche y sardina afumada llechuga wakame

"Dende'l Conceyu de Carreño ábrese un plazu d'inscripción pa participar nel máster class. Mañana, miércoles 18 de xunetu de 10 a 14 hores podrán formalizase nes Oficina de Turismu allugada na cai Braulio Busto. Van Tener prioridá los establecimientos hosteleros, y el restu de places hasta completar les 20 disponibles van abrise pa toes aquelles persones del conceyu que pudieren tar interesaes. Por cuenta de que les places son llindaes, éstes cubriránse por estrictu orde de rexistru de la solicitú na oficina d'inscripción habilitada." -esplicó la conceyala. 

Establecimientos participantes nes Gastroxornaes: 

. Cafetería Centro Polivalente "La Baragaña" 

. El Llagarín Yara y Devo 

. Cafetería Principado 

. Restaurante Sidrería El Llagarón 

. Restaurante Sidrería La Estación 

. Pizzería El Diañu 

. Chigre Restorán El Portalón 

. Sidrería Restorán Casa Repinado 

. Restorán El Embarcadero

Les próximes xornaes gastronómiques que se van celebrar na villa marinera son les del bonitu que van tener llugar del 26 al 29 de xunetu, hasta esti xueves los establecimientos comenenciudos en participar van poder inscribise nes mesmes, al traviés de la Conceyalía de Festexos y Turismu.