Ventidós mozos y moces del conceyu de
Carreño participen nel I Campus Tecnolóxicu de
Candás, caracterícense por crecer nun mundu dafechu conectáu,
onde la tecnoloxía, les ferramientes dixitales y el sentíu de la
collaboración son característiques fundamentales.
L'actividá impartida pola empresa
uvieina CidKids - Centro Cid, col patrociniu de Edp, y la
collaboración del Conceyu de Carreño, empezó'l pasáu llunes 2 de
xunetu y va concluyir esti vienres, 14 de xunetu.
“Gracies el patrociniu llográu,
esti grupu de mozos y moces tien la oportunidá de
gratuitamente crear y utilizar les ferramientes dixitales pa
da-y forma a les sos idees, que eventualmente pueden convertise a
futuru en negocios sostenibles” - esplicó la conceyala de
mocedá, Paula Cuervo.
Les actividaes alternaron dos
allugamientos. l'aula mentor y el centru de dinamización
tecnolóxica local.
A lo llargo d'estos díes, n'horariu
de 10 a 14 hores, tán trabayando en programación con Minicraf,
diseñu y animación 3D, diseñu de videoxuegos, programación con
Arduino y realizando creaciones d'aplicaciones móviles y música
dixital.
Cola programación d'esta actividá
cultural novedosa pretende ufiertase más alternatives d'ociu pa la
mocedá carreñense, a sumar cola ufierta braniza.
Albandi
