La policía local de Carreño coordinó
l'operativu cola Conceyalía de Seguridá Ciudadana pa rescatar el mini barcu
escolar y empecipiar les pesquises pa devolvelo a la so propiedá. El primer pasu
foi ponese en contactu col IES Illa de Sarón, de Llugo, el profesor José María
Orol esplicó-yos a los axentes de Carreño los oríxenes y finalidá del proyectu
educativu del mini barcu comprometiéndose a venir recoyelo a Candás.
Una vegada na villa marinera, recoyóse
en dependencies policiales pa ser reparáu nel centru educativu gallegu porque
ellí tienen un ciclu formativu de FP que fai posible que l'alumnáu efectúe los
arreglos necesarios.
El centru educativu de Canadá
que botó'l barcu previu a que'l barcu recalara Candás contactó col so homónimu
lucense dempués de ver por gps que'l barcu educativu llevaba tiempu ensin
movese en zona cercana a la mariña de Xove, Llugo. Tal que señaló'l profesor
Orol ye costume nestos proyectos sociueducativos que se soliciten auxiliu a
centros formativos cercanos pa la recuperación y revisión de los prototipos.
Van Ser los gallegos los que, una vegada recuperáu'l mini barcu cola ayuda
carreñense, los qu'entren na páxina de siguimientu del barcu y cuelguen les
incidencies del mesmu nel nuesu conceyu, con reportaxe fotográficu que
realizaron, por qu'asina l'alumnáu canadiense tea al tantu del periplu.
Esti mini barcu conecta centros
educativos de distintos países ente sí y aguiya que se creen relaciones reales
ente cultures.
L'enllaz de la páxina de
siguimientu ye: http://educationalpassages.org/boats/mobilegoat/