Esti domingu, 5 d'agostu a partir de les 12 h., na pista polideportiva del CIR de Perlora podrá esfrutase de la "III Degustación de Sidra Casera del Conceyu de Carreño", cola sidra escanciada nun vasu especial. Vasu realizáu pola Asociación de Sidra Casera de Carreño cola collaboración de Sidra Peñón. Na parte delantera del mesmu lleva un mini – llagar artesanal qu'usen para fines didácticos nos colexos d'Asturies y por detrás l'anagrama del llagar collaborador.

Nesta edición participen:

-José Ramón Cuervo, de casa Caseta (Perlora)

-José Francisco Ramos, del barriu La Forca (Perlora)

-Dositeo García, de casa Dositeo (Perlora)

-Toya González y Víctor García, casa José Luis, el Monte (Perlora).

-Daniel Tuñón, de casa Manolita Tamón (Perlora).

-Rosana Muñoz y Paloma García de casa la Vega (Perlora).

-Pedro Muñiz de casa´l Prao (Perlora)

-Silverio Junquera, casa Pichi Manin (Priendes)

-José Antonio y David Morán de casa Morán (Priendes)

-Alfredo Hevia, de casa Garita, la La Rebollá (Quimarán)

-Manuel Suárez, de villar d´embaxo (Tamón)

-Rubén González, casa Pepín de Trasona (Carrió)

-Luis Álvarez, Pistones (Candás)

Asina mesmu, en calidá d'invitada, va participar na degustación l'asociación de sidra casera de Piloña, que preside Luis Sariego. En representación del Conceyu de Piloña, va allegar la conceyala Azucena Iglesias “Viri”. Tamién va tener un stand Sidra Peñón, empresa, natural de Albandi que promueve la etiqueta Sidra Escoyida, y que foi apocayá integrada na Denominación d'Orixe Protexida. 

Na cancha perlorina tamién podrá visitase la II esposición d'elementos funcionales de llagares que lleva por títulu “ Sidra roja, tien alma” que los sos conteníos son material divulgativo que la so autora ya investigadora ye Paloma García Muñoz y el diseñu de Carlos Arias Cancio (Espiral 8).  La esposición recueye materiales d'antiguos llagares del conceyu de Carreño. Concretamente de Perlora: casa Soto nel barriu d'El Perecil, casa La Vega y Casa Alejo, dambes del barriu La Torre, casa'l Prao del barriu col mesmu nome y casa Rodiles, de la parroquia de Priendes Casa Marujina la del Riestru, del barriu del Cantu y de la parroquia de Quimarán, del barriu de la La Rebollá, de casa Texera. Va Haber tamién un taller gratuitu d'ellaboración de sidra duce para neños y neñes que va impartir la familia Muñoz Fernández.

Nel intre del programa previstu, va dase tributu al fináu Marín Busto García, “Maríno Texera” n'alcordanza al so llabor como cronista de Carreño y la divulgación que fixo de la sidra roja de Carreño. El Vicepresidente de la entidá, Silverio Junquera González, apurrirá-y la placa conmemorativa a los sos sobrinos Erundina Busto y Eduardo Román. L'Alcaldesa de Carreño va apurrir la distinción a l'asociación de sidra casera visitante, la procedente de Piloña  pola so asistencia al eventu. Finalmente va apurrise un agasayo a collaboradores de l'asociación carreñense.