Prosiguen les festividaes nes parroquies rurales de Carreño. Esti
miércoles 15 d'agostu a les 13 hores na Ilesia de Sta. María de
Priendes tuvo llugar la celebración llitúrxica por cuenta de la
fiesta local.
A los actos programaos allegaron, en representación del Conceyu,
Cecilia Tascón, edil de cultura y Simi Velasco, conceyal de seguridá
ciudadana y obres.
La misa foi oficiada pol sacerdote, Eduardo Berbes y procesión
pola redoma del templu. Eduardo Berbes foi coaxutor de la parroquia
de Candás nos 60 y xubilóse como párrocu de San Miguel de Pumarín.
Na celebración relixosa ofició ayudáu por José Marcelino García.
La celebración llitúrxica foi cantada'l Coru de Perlora y tuvo
la ambientación musical de la Banda Gaites Corvera, que dirixe'l
perlorín Bras Rodrigo.
Al términu de la misa, la Banda de Gaites interpretó un pequeñu
recital pal numberosu públicu asistente.