Próximu martes, 4 de Setiembre de 2018 a les 19:30 h. na Casa de Cultura de Candás. Entamáu pol Patronatu Deportivu Municipal y el Conceyu de Carreño.

Intervienen:

Miguel Angel de Blas Cortina, (Uviéu 1949) conocíu profesionalmente como caderalgu de Prehistoria de la Universidá d'Uviéu y arqueólogu, una de les mayores autoridaes a nivel internacional de les cultures megalítiques. La so vinculación al ciclismu, que se remonta a la so mocedá, caltiense hasta l'actualidá como aficionáu y autor de cróniques periodístiques de les carreres importantes que transitaben per Asturies.

José Enrique Cima Prado (Llugones 1950) ex ciclista profesional ente 1976-1982, que los sos mayores ésitos deportivos llogrólos na Vuelta a España onde tuvo dos victories d'etapa na edición del 78. Tres la so retirada pasu a exercer como director deportivu del equipu ciclista CLAS-CAJASTUR y, dende 1984 trabaya como periodista nel diariu asturianu La Nueva España siguiendo la información del Tour de Francia, Vuelta a España y Mundiales de Ciclismu mientres venti años. Nel 99 publicó'l llibru El Angliru, dedicáu a unu de los puertos míticos d'España.

Jesús López Carril (Candás, 1949), Hermanu de Vicente López Carril, ex ciclista profesional ente 1976/1980, una de les mayores promeses de la categoría aficionáu, onde algamó'l campeonatu d'España de ruta nel añu 1974. El so mayor ésitu deportivu como profesional tuvo llugar na Vuelta a España al ganar la etapa que remataba en Xixón na edición de 1980.

Antonio Menéndez González (Narcea 1946). Ex ciclista profesional ente 1970 y 1979, que los sos mayores ésitos deportivos fueron algamaos na Vuelta a España y nel Xiru d'Italia al llograr dos victories d'etapa.