Nel marcu del 30 aniversariu de
creación de la entidá avilesina, Club Popular de Cultura de
“Llaranes”, l'Ayuntamientu de Carreño, recibió la reconocencia
y l'agradecimientu, per parte de l'asociación, pola
collaboración, qu'a lo llargo de los años emprestó a la entidá.
Al actu, que tuvo llugar nel Salón
d'Actos del Colexu Públicu de Llaranes, allegó la Conceyala de
Cultura, Cecilia Tascón, en representación del Consistoriu de
Carreño.
Amás del Conceyu de Carreño, tamién
recibieron la reconocencia una vecina y un vecín del Conceyu; la
historiadora y cronista oficial d'Avilés, la candasina Pepa Sainz; y
l'ebanista d'El Pieloro, Julio Zapico.
“Dende'l Consistoriu de Carreño,
estimamos al Club Popular de Cultura “Llaranes” el galardón que
nos concedieron, según felicitar a los y les galardonaes
carreñenses. Nos tiempos nos que vivimos, nos qu'invertir en cultura
ye una trabayosa xera, namá fai demostranos que l'equipu de gobiernu
socialista de Carreño nun s'equivocó cuando nel 2015 diseñaba les
llínees y oxetivos a consiguir en materia de cultura. Porque si
daqué ye importante por que una sociedá avance, desenvuélvase,
creza, escontra un futuru meyor, amás de la educación de les
persones, ye creer, fomentar, crear cultura” - comentó Cecilia
Tascón-Concejala de Cultura.
El 18 de setiembre de 1988, cuando la
contorna d'Avilés atopábase en plena reconversión industrial,
vecinos y vecines del barriu de Llaranes creen el Club Popular
“Llaranes” como una entidá ensin ánimu d'arriquecimientu, con
see n'el mesmu barriu. El so ámbitu d'actuación, dende los sos
empiezos, tomó tola xeografía asturiana, faciendo especial fincapié
nel antiguu Alfoz de Gauzón, güei los conceyos d'Avilés,
Castrillón, Corvera, Illas, Gozón y Carreño. Ente los sos oxetivos
atopense el espardimientu de la cultura en tolos sos ámbitos y ente
tou tipu de públicu sol lema “Cultura de toos y pa toos”.
Al Conceyu de Carreño y al Barriu de
Llaranes xúnelos daqué más que'l xigante de la siderurxa. Son dos
territorios cercanos, estrechamente rellacionaos. La primera toma de
contactu ente les dos entidaes empecipiáronla, entós daquella, el
cronista de Carreño, yá fináu, Marino Bustu y l'anterior
presidente de l'Asociación, José Ángel del Río Gordel.
Frutu d'esa primera toma de contactu,
fuéronse entamando unes xornaes culturales, siendo les postreres nel
2011. Nes que se diseñó un ampliu y variáu programa xirando
la tema principal en redol al ferrocarril de Carreño. De magar, el
Club”vien entamando tolos años unos “Alcuentros d'Arqueoloxía,
Hestoria y Patrimoniu de l'Alfoz de Gauzón”. Alcuentros
colos que pretende crease venceyos d'unión ente los conceyos que lo
integraron al traviés de la so hestoria y legáu patrimonial,
arqueolóxicu. Los últimos alcuentros celebráronse'l pasáu ochobre
en Carreño.