1 de Noviembre, festividá de toos los santos en Carreño

Dende tiempos inmemoriales les distintes cultures honraron y recordaron a los sos seres queríos nos campusantos. Esta tradición difier d'una dómina a otra, d'un país a otru, d'una relixón a otra, anque'l fin siempres foi'l mesmu, nun escaecese de la persona querida y tener una alcordanza para ella nun día señaláu.

Respetando les creencies relixoses, según a aquelles persones que creen como a les que nun creen, na cultura católica los primeros díes de noviembre, el día 1 y 2, tán marcaos nel calendariu como unos díes nos qu'honrar a les  persones difuntes.

Dende'l serviciu municipal d'obres y atendiendo a los pidimientos de la ciudadanía, nel mes d'ochobre punximos en marcha'l Plan Especial de Llimpieza de los Campusantos Municipales, el asitiáu en Candás y de les redolaes públiques de los Campusantos de les parroquies rurales, de los sos accesos y zones d'aparcamientu. Los trabayos que, dende los distintos servicios municipales implicaos, se realizaron fueron dellos y variaos. Dende la llimpieza de les cais interiores del Campusantu Municipal de San Bernardo en Candás pasando pola ornamentación con flor de temporada, la roza y siega de los xardinos interiores del mesmu hasta l'acondicionamientu y llimpieza na parte esterior y nos aparcamientos. Nel restu de los 11 campusantos parroquiales realizóse una intensa llabor de siega y llimpieza nos espacios públicos esternos y zones comunes d'aparcamientu” – esplicó Onésimo Velasco conceyal d'obres y seguridá ciudadana.

Asina mesmu, a lo llargo d'estos 2 díes, el serviciu de policía va tar bien atentu de les posibles incidencies que pudieren surdir a lo llargo de les xornaes. Sobremanera les rellacionaes cola circulación del tráficu y l'accesu de vehículos a los distintos campusantos” – prosiguió'l conceyal.

N'ares de que les persones qu'asina lo deseyen puedan dir honrar a los sos seres queríos, informamos na web municipal de los horarios nos que van tener llugar les celebraciones nos campusantos, les ilesies parroquiales y capiyes del Conceyu” – concluyó'l conceyal.