Actividaes de promoción comercial en Carreño

L'Alcaldesa de Carreño, Amelia Fernández, el Presidente de l'asociación, Germán Heredia, y la xerente de la Unión, Carmen Moreno, esplicaron les actividaes programaes pal comerciu minorista de Candás hasta avientu de 2018, según les realizaes n'anguaño, en desenvolvimientu del conveniu de collaboración esistente ente dambes entidaes. Les acciones de promoción que queden d'equí a final d'añu, nel marcu del conveniu suscritu:

•Regalu directu pa volver mercar: Ochobre
•Sortéu fin de selmana turismu rural: Noviembre
•Salón infantil “La Fábrica de Sueños”: Avientu.
•Sorteo Caxes de Navidá: Avientu
•Concursu navidiegu d'escaparates: Avientu
•Collaboración cola organización de la llume navidiega.

Tamién se dio a conocer el plan formativu previstu, nel marcu de la concesión ayudes Leader pa la formación del comerciu de Candás y Lluanco al traviés d'ADICAP.

•Duración del programa: 2018 a 2020.
•Concesión n'agostu 2018.
•Cursos previstos:
•2018: Marketing dixital y redes sociales
•2019: Marketing dixital y redes sociales (2 cursos)
•2020: Escaparatismu, Atención al Veceros, Dixitalización de comercios y Marketing y redes sociales.

Asina mesmu, anuncióse que la Unión va celebrar el próximu mes de Noviembre, per primer vegada, unu de los sos comités en Carreño. Va Ser el próximu miércoles, día 7 de Noviembre de 2018, una xunta de trabayu na que van empezar a perfilar les acciones que se van encetar l'añu próximu nel conceyu pa preparar al mesmu pa les futures acoyíes de fluxos de xente que van visitar Candás el próximu añu por cuenta de la cincuenta edición del Festival Gastronómicu de la Sardina, pel branu y el desenvolvimientu del Parlamentu Rural Européu, previstu per primer vegada n'España los díes 6 al 9 de noviembre de 2019, la cuarta edición del Parlamentu Rural Européu (ERP, nes sos sigles n'inglés) que, en collaboración col Gobiernu del Principáu d'Asturies y el Conceyu de Carreño, entamen la Rede Asturiana de Desenvolvimientu Rural (READER) y la Rede Española de Desenvolvimientu Rural cola denominación “El papel de la sociedá rural énte'l nuevu marcu de relaciones urbanu rurales”.