Esti miércoles, a partir de les 13 h., persones mayores
residentes en centros xerontolóxicos de diversos puntos d'Asturies
van esfrutar d'una xornada de convivencia en Carreño.
L'Asociación de Centros Xeriátricos del Principáu d'Asturies,
ASCEGE, va celebrar na villa marinera la cuarta edición de la
xornada de convivencia de inter–residencies. Esta entidá nació
nel añu 2000 coles mires d'ameyorar la calidá na atención y los
cuidos a les persones mayores nos Centros Residenciales pa la Tercer
Edá del Principáu d'Asturies. Anguaño, ASCEGE constituyi la única
asociación de Centros Residenciales pa la Tercer Edá nel cuál
tolos sos asociaos tán acreditaos oficialmente pola Alministración
Pública en tol so ámbitu d'actuación. Ye por ello qu'el 90% de les
places convocaes pola Alministración Pública pertenecen a centros
xeriátricos asociaos de ASCEGE.
A les 13 hores, del miércoles, 10 d'Ochobre ta prevista la
llegada n'autocar de los y les residentes. Laura García, informadora
de la Oficina de Turismu de Carreño, dará-yos la bienvenida a
Candás, nel puertu local. La llegada a la villa, según al Rte., va
ser amenizada por un tríu de músicos de la Banda Gaites Candás.
Actuación musical patrocinada pol consistoriu local. Van Realizar un
curtiu Paséu pola redolada pa, darréu, van visitar la Confrería de
Pescadores que da sofitu alministrativu a pescadores locales y que
se denomina "La nuesa Señora del Rosario". Mateo,
trabayador de la Confrería esplicará-yos funcionamientu y
pormenores de la mesma.
A les 14 h. espicha asturiana nun Rte. de Candás. Y de 16:30 –
18:30 h. Actuación musical y baille al cargu de la cantante mierense
Mercés Ben Salah.