El profesor Sergio Castro, creador de
la canal Profesor10demates, en YouTube, va impartir una conferencia
en Candás.
Sergio Castro, uno de los profesores de
matemátiques más conocíos ente los estudiantes del nuesu país,
collaborador del programa l'Aventura del Saber, que s'emite na 2 TVE,
llega a la Biblioteca pública municipal de Candás, “Carlos
González Posada”, con una conferencia titulada, «¿Profe, para qué
sirven las mates?» empobinada; a estudiantes, al profesoráu, a
madres y padres, y al públicu xeneral. Creador de la canal de
YouTube Profesor@10demates, al traviés del cual tresmite la so
pasión poles Matemátiques y la Física y Química, enseñando de
manera amena, risonderu y cercanu a los más de 236.000 «mate
adictos», tanto españoles como de llatinoamérica, que yá formen
parte de la so comunidá internauta.
La so pasión por ésta a “priori”
greba asignatura llevó-y a ser un activu divulgador na materia.
Miembru de l'Asociación Española de Comunicación Científica AECC,
llevó-y a escribir dos obres, autor de “Hestoria de les
matemátiques de cero al infinitu” mientres un trimestre'l
llibru de matemátiques más vendíu del nuesu país y Coautor del
esitosu manual bachiller “Unas matemáticas pa tod@s”
que na
so primer selmana vendió más de 1.200 exemplares.
“Esti próximu llunes vamos
tener la oportunidá d'averanos un pocu más al mundu de los
númberos, y dexar tras esi mieu que n'ocasiones paez que-y tenemos a
les ecuaciones, derivaes o integrales. Siempres oyimos eso de
“yo soi de lletres” o “ de ciencies” pa xustificar el nuesu
pocu interés por una materia, pero como diz el mesmu profesor “nin
de ciencies, nin de lletres, namá cultura”. Y el binomiu,
ciencies-lletres, ye lo que fai crecer y maurecer a les
persones” comentó Cecilia Tascón-Conceyala
d'Educación y Cultura.
“Dende el Conceyu de Carreño
entamemos esta Conferencia, en coherencia cola nuesa apuesta de
sofitu a la educación y la divulgación cultural que venimos
realizando dacuando dende los nuesos servicios municipales. Claro
exemplu d'ello, ye la diversa programación de la
Biblioteca Municipal “Carlos Gónzalez Posada” que va acoyer
al profesor Youtuber ” rellató la Conceyala.
Nesta conferencia Profesor10demates va
tresmitinos qu'aprender matemátiques supon un retu apasionante.
Sergio asegura que ye posible aprender mates de manera risondera,
amena y al empar didáctica ensin perder rigurosidad. La so intención
última, ye acabar con esi mieu ancestral poles matemátiques que se
tresmite de padres a fíos. Les matemátiques tán presentes na
nuesa vida real, desque llevantamos hasta que nos chamos, por eso hai
que desterrar la mítica frase «Les matemátiques nun son lo mío».
No fondero toos tenemos mentes matemátiques yá que remanamos
númberos a diariu.
Delles son les localidaes de la
xeografía española que'l Profesor percorrió a lo llargo d'anguaño
hasta recayer per primer vegada n'Asturies, siendo Candás la
primer localidá que visita de la nuesa provincia. Vigo, Santiago de
Compostela, Ponferrada, Madrid o la Universidá Abad Oliva CEU de
Barcelona.
L'alcuentru va tener llugar el llunes 8
d'ochobre a les 19 h na Aula Lliteraria “Antón de Mariarreguera”
de la Biblioteca González Posada de Candás. La entrada va ser
llibre y gratuita hasta completar aforu.
El lema de Sergio Castro ye: «El xeniu
fáese con un 1% de talentu y un 99% de trabayu». Albert Einstein.
Albandi
