Per tercer añu consecutivu, el Conceyu de Carreño, al traviés de la Conceyalía de Bienestar Social, convoca les ayudes económiques pal pagu del Impuestu sobro Bienes Inmuebles (IBI), relativos a persones y families del conceyu pal añu en cursu.
El IBI ye un impuestu encuadráu nel sistema tributariu local d'esixencia obligatoria pa los conceyos, que grava'l valor de la titularidá que recai sobre bienes inmuebles de naturaleza tanto rústica como urbana.
“Estes ayudes económiques tienen como oxetivu evitar que la carga fiscal amestada a un bien de primera necesidá, como ye la vivienda, agrave la situación económica de les families más vulnerables que moren nel nuesu conceyu, siendo nel añu 2017, nueve les families que pudieron acoyese a esta ayudes económiques” – señaló Paula Cuervo, Conceyala de Bienestar Social.
Van Poder solicitar estes ayudes #tou aquelles persones que s'atopen empadronaes y sían residentes en Carreño. Asina mesmu tendrán d'axuntar una serie de requisitos ente ellos quepe destacar:
·Tar empadronáu/a y morar na vivienda oxeto de la subvención na fecha de presentación de la solicitú.
·La persona que la solicita tendrá de ser el propietaria del inmueble y la obligada al pagu del IBI.
·Nun tendrá de ser titular d'otru bien inmueble urbanu en tol territoriu nacional. Queden escluyíos una plaza de garaxe y trasteru adscritu a la vivienda habitual.
·El valor catastral que figure nel recibu del IBI correspondiente al exerciciu 2018 nun va poder entepasar de 60.000€.
Les solicitúes, debidamente rellenaes, podrán presentase nel Centru Municipal de Servicios Sociales, nel Rexistru Xeneral del Conceyu de Carreño o en cualesquier de los llugares previstos nel artículu 16.4 de la Llei 39/2015, de 1 d'ochobre, de Procedimientu Alministrativu Común de les Alministraciones Públiques, una vegada sía publicada la convocatoria nel Boletín Oficial del Principáu d'Asturies (BOPA) y hasta el 20 de noviembre del 2018.
El períodu voluntariu de cobru del impuestu del IBI pal añu 2018 ye dende'l 20 de setiembre hasta'l 20 de noviembre del presente.
Nel Presupuestu municipal en vixencia esiste un creitu disponible con cargu a la partida “Ayudes Sociales” pa dar cobertoria a la concesión d'estes ayudes.
Estableciéronse dos tipos d'ayudes atendiendo a los ingresos añales de la unidá familiar:
–100% de la cuantía del recibu del IBI de naturaleza urbana pa les unidaes familiares que los sos ingresos nun superen el IPREM añal ponderáu vixente nel exerciciu del que se computen datos.
–50% de la cuantía del recibu del IBI de naturaleza urbana pa les unidaes familiares que los sos ingresos nun superen en 125% del IPREM añal ponderáu vixente nel exerciciu del que se computen datos.
Albandi
