Más de 300 persones inscrites nos Cursos Estensión Cultural 2018-2019

Esti vienres, 2 de noviembre, a les 18:00 hores va tener llugar nel Salón d'Actos del Edificiu Polivalente “La Baragaña” de Candás, la presentación d'una nueva edición de los Cursos d'Estensión Cultural .

Nesta nueva edición ufiertáronse un total de 30 acciones formatives de 17 temátiques distintes. Calteniendo la ufierta de cursos y places pa persones de toles edaes, distribuyíes en 2.065 hores lectives de formación. Llegando asina cada vez más llueñe nel oxetivu de promover la participación social, la educación, la formación y la cultura, y ameyorar la calidá de vida de les persones nel ámbitu municipal.

N'ares de que tola ciudadanía pueda aportar a esti programa cultural caltuvimos el preciu de la matrícula nos cursos y la bonificación del 50% nos mesmos pa les persones que ten na situación de desempléu de llarga duración. Diversifiquemos la ufierta pa tolos colectivos, intentando afaenos a los pidimientos de la ciudadanía. D'esta forma ufiertáronse una amplitú d'horarios y díes, programando cursos n'horariu de mañanes y de tardes, de llunes a vienres, afaciendo los cursos a los espacios municipales disponibles” comentó Cecilia Tascón-Conceyala de Cultura.

Vuelven sosprender los cursos dedicaos a la recuperación de la cultura tradicional, “Danza prima y cancioneru candasín” o “Confección de manta candasina”, que a los pocos díes yá tienen cubiertes toles sos places. O cursos como “Manualidades” de la zona rural, non yá consolídese como acción formativa, si non que siga aumentáu'l númberu de persones inscrites. Al igual qu'asocede colos dos grupos d'Artesanía Decorativa o  los de “Cerámica” o “Cueru”” prosiguió la Conceyala.

A día de güei son 316 persones inscrites pa esta nueva edición. Lo que representa qu'el 3% de la población de Carreño va participar en dalguna de les acciones formatives. Anque entá esisten places disponibles pa los cursos que dan empiezu en noviembre, polo que si dalguna persona ta interesada namá tien qu'allegar al rexistru municipal ya inscribise. Nel casu de les temátiques que tien el so empiezu a primeros del próximu añu vamos abrir un nuevu períodu de matriculación nel mes d'avientu” señaló Tascón.

Nun principiu la presentación d'esta edición 2018-2019 taba prevista pal miércoles 31 d'ochobre, pero por cuenta de la celebración d'una sesión estraordinaria del plenu municipal, finalmente treslladóse a esti vienres 2  de noviembre. Esculpame énte la ciudadanía pol cambéu y pol posible perxuiciu que pudiera causa-y. ” remató la Concejala.

L'entamu de los mesmos va ser a partir del llunes 5 de noviembre de 2018, primer día lectivu d'esi mes. Nel día que correspuenda  a cada cursu, según l'horariu previstu nel calendariu que se fai entrega, al alumnáu, xuntu cola matrícula. Salvo pa los cursos que dan empiezu nel mes de xineru.