La conferencia impartía en Candás esti 8 d'ochobre por Sergio Castro, Profesor10demates, unu de los profesores de matemátiques más conocíos ente los as estudiantes del nuesu país, collaborador del programa l'Aventura del Saber, que s'emite na 2TVE, enchió les previsiones d'asistencia de públicu y tuvo que ser treslladada al salón d'actos del Polivalente debíu a la más amenorgada capacidá del salón d'actos de la Biblioteca.
Sergio ye'l creador del canal Profesor10demates en Youtube, al traviés del cual tresmite la so pasión poles Matemátiques y la Física y Química, enseñando de manera amena, risonderu y cercanu a los más de 236.000 «mate adictos», tanto españoles como llatinoamericanos, que yá formen parte de la so comunidá internauta.
Nesta conferencia'l Profesor10demates tresmitió a un públicu mayoritariamente xuvenil, qu'aprender matemátiques supon un retu apasionante. Aseguró que ye posible aprender mates de manera risondera, amena y al empar didáctica ensin perder el so calter ridoroso. La intención de les sos sesiones divulgatives ye acabar con esi mieu ancestral por esta materia que tresmítese de xeneración en xeneración.
“Les matemátiques tán presentes na nuesa vida real, desque llevantamos hasta que nos chamos, por eso hai que desterrar la mítica frase «Les matemátiques nun son lo mío». No fondero toos tenemos mentes matemátiques yá que remanamos númberos a diariu” - afirmó Castro.
Albandi
