Esti llunes 15
d'ochobre, remata'l plazu pa inscribise na nueva
convocatoria de los Cursos d'Estensión Cultural pal cursu 2018-2019
qu'entama'l Conceyu de Carreño al traviés de la Conceyalía de
Cultura.
Pa cursu 2018/2019 ufiértense 30
acciones formatives de 17 temátiques distintes. Calteniendo
na mesma una amplia propuesta de cursos y places pa
persones de toles edaes (ufiértense 450 places). Distribuyíes
en 2.065 hores lectives de formación. Llegando asina
cada vez más llueñe nel so oxetivu de promover la participación
social, la educación, la formación y la cultura, y ameyorar la
calidá de vida de les persones nel ámbitu municipal.
Conxelóse el preciu de la
matrícula nos cursos y caltúvose la bonificación del 50 % nos
precios de matrícula pa les persones que tean en situación de
desempléu de llarga duración. Pa poder optar a ello, ríquese que
s'acredite nel momentu de matriculase un certificáu orixinal
del Serviciu Públicu d'Empléu, nel que conste la so situación de
desemplegaos/es mientres un añu ininterrumpidamente.
“P'aquelles persones que deseyen
participar en dalguna acción formativa, entá queden places
disponibles na mayoría d'elles, salvo en Confección de Cobertores
Candasinos y Danza Prima y Cancioneru Candasín, dos de los
cursos que refuercen les tradiciones del conceyu y que tán
completos. Añu a añu son los más demandaos pola ciudadanía, como
lo demuestra que les places disponibles pa ellos escósense en los
primeros díes de matrícula. Asina mesmu siguimos apostando por una
programación cultural accesible pa tolos públicos nel que tengan
cabida tolos colectivos como ye'l casu del cursu de Cerámica pa
persones con Diversidá Funcional o Pintura Infantil”señaló
Cecilia Tascón-Conceyala de Cultura.
El plazu d'inscripción que remata
esti llunes 15 d'ochobre de 2018. Toes aquelles persones
que tean comenenciudes van poder inscribise, esti llunes, nel
horariu de 9 a 14 nel Ayuntamientu de Carreño (c/ Santolaya,
1-@), teléfonu 985.87.02.05. Asina mesmu podráse descargar los
impresos orixinales de matrícula en la páxina web
municipal. www.ayto-carreno.es.
A la de matriculase van tener
preferencia aquelles persones empadronaes nel Conceyu de Carreño.
Les persones de fora del Conceyu van quedar en reserva, anulando la
matrícula en casu d'efectuala por erru. Les places van axudicasepor
rigorosu orde d'inscripción nel cursu .
“Nel casu de la llista de reserva,
en primer llugar van tener preferencia'l vecinderu de Carreño que
nun tean matriculaes n'otru cursu. De siguío los y les que sí tán
matriculaos en dalgún otru cursu. Y de terceres, si entá hai places
disponibles, les persones empadronaes n'otros conceyos. Les
axudicaciones siempre se van faer por rigorosu orde, en función de
la fecha d'inscripción de la solicitú” señaló la
Conceyala.
La presentación Oficial va tener
llugar el miércoles 31 d'ochobre a les 18 hores nel
Centru Polivalente “La Baragaña” de Candás.
L'Entamu de los mesmos va ser a
partir del día 5 de noviembrede 2018, primer día
lectivu d'esi mes, el día que correspuenda según l'horariu
previstu en cada cursu. Cola matrícula apurrirá un calendariu del
cursu. Sacantes los cursos de automaquillaxe, telar manual y
artesanal, taller d'escritura creativu ya iniciación al
bonsái que van dar empiezu nel mes de xineru de 2019.
Pa los cursos que s'empecipien en
xineru va volvese abrir un períodu de matrícula nel mes d'avientu,
anque les persones que lu deseyen tamién pueden inscribise hasta el
llunes 15 d'ochobre.
L'asistencia a los cursos va tener
calter voluntariu. va apurrise diploma d'asistencia a
los/les participantes que lu soliciten. Los diplomes solicitaos van
apurrise a la fin de cursu nel actu de clausura de la esposición
de los trabayos realizaos, rematada ésta, van poder recoyese nel
Conceyu. Pa llograr dichu diploma, ríquese una asistencia de siquier
el 80% de les sesiones.
Nun se va dar na devolución de nengún
importe de matrícula sacantes de cursos anulaos por falta d'alumnáu
o causa imputable al Conceyu de Carreño.
“De cara a los cursos que van dar
empiezu a lo llargo del mes de xineru del próximu añu, dende la
Conceyalía de Cultura sigue trabayándose en poder aumentar el so
númberu y la temática. D'esta forma cabo la posibilidá qu'a los
talleres d'Escritura Creativao, Telar, Automaquillaxe o Iniciación
al Bonsai incorpórense otres temátiques d'interés pa la
ciudadanía ” señaló Tascón.
Tolos cursos van llevase a cabu
n'instalaciones municipales, nel Centru Polivalente
“La Baragaña” , na Casa d'Alcuentros o nos CIR o na
Escuela de Sabores “LA LLARIEGA” asitiada nes antigües escueles
d'el Regueral.
Albandi
