Ampliando la rede de saneamientu na zona rural

El consistoriu executa les obres d'ampliación de la rede de saneamientu na parroquia de Albandi, nel núcleu de Monte Morís.  La inversión municipal va dar serviciu a 13 viviendes  dexando la so conexón a la rede xeneral de saneamientu, al interceptor xeneral.

Con esta nueva actuación  na parroquia de Albandi avanzamos na necesaria dotación de saneamientu naquelles zones del Conceyu qu'entá escarecen d'él. Les meyores na rede de saneamientu ye unu de los pidimientos más demandaos pola ciudadanía polo que ye imprescindible faer esfuerzos nesti sentíu, invirtiendo na meyora de los servicios públicos, pa dotar a Carreño d'una rede municipal afecha a les necesidaes de la ciudadanía” comentó Manuel Noceda-Conceyal Mediu Rural.

Les obres que, tres el procesu de llicitación correspondiente que marca la normativa, nel qu'allegaron 6 empreses, fueron  axudicaes a la empresa Gulias Hermanos Construcciones por un importe de 119.819 €. Siendo'l períodu d'execución de les mesmes de 3 meses dende'l so empiezu.

L'oxetivu d'estes meyores na rede ye la d'acometer les obres necesaries pa terminar el Colector denomináu A nel Saneamientu del núcleu de Monte Morís y poder ponelo en serviciu. Les obres atopénse n'un área aprosimao de 100.00 metros cuadraos, que correspuende cola aguada norte del núcleu. La puesta en marcha d'esti colector tuvo de dos fases, nuna primera fixéronse les obres necesaries ente los pozos 7 y 15. Ente que nesta segunda fase van faese les necesaries ente los pozos 1 y 7, y ente los pozos 15 y 37. Lo que suma una actuación en 28 pozos de la rede” señaló Noceda 

Esta nueva actuación va suponer un total de 642,57 metros de conducción de PVC de 315 mm de diámetru, en 28 pozos de rexistru, la reposición  de la rede de suministru afectada y de los tramos de zarru afectaos nes parceles afectaes pola meyora” prosiguió'l Conceyal.

Tres la finalización de les mesmes el denomináu Colector A va poder ponese en funcionamientu, apurriendo al núcleu de Monte Morís un colector de saneamientu unitariu que dexe recoyer apondere efluentes de les viviendes de les zones ya incorporar al Colector Interceptor de Candás, que escurre d'este a oeste al norte d'esta nueva actuación” remató Noceda.