Estos díes dieron empiezu les obres d'arreglu del camín qu'escurre dende'l Barriu de la Menudina hasta'l Barriu del Llanu, nes parroquies de Llorgozana y El Pieloro respectivamente.
“Los efectos de les agües acaecíes anguaño y la climatoloxía tan adversa que carecimos dexaron de resultes árboles cayíos, argayos, averíes de lluz,…. en dellos puntos del mediu rural de Carreño. Pasu ente pasu, con medios propios y esternos, vinimos atendiendo, los efectos devastadores de les inclemencies. Priorizando aquelles actuaciones que por cuenta de les sos característiques riquíen d'arreglos más urxentes. Al empar que siguíamos cola programación prevista pa la zona rural tocantes a arreglos de caminos, lluminaries, roces, saneamientu, obres de la nuesa construcción,… tratando siempres d'atender y dar respuesta, lo más aína que se pueda, a les demandes que diariamente'l vecinderu treslládanos ”– afirmó Manuel Noceda, Conceyal de la Zona Rural.
“Esta actuación qu'acometemos güei enmárcase na parroquia de Llorgozana, débese a que les agües socedíes y a la rimada de la zona fixeron necesariu actuar dende'l serviciu d'obres municipal. Les agües propies d'esti periodu siguen el so camín natural y van escontra la turria, que sofita la carretera de titularidá municipal, afloxándola y en consecuencia producióse un resquiebru na mesma de 8 metros de llargor, esprendiéndose'l cantu”– prosiguió'l conceyal.
“Tres l'analís de la situación per parte del personal técnico municipal decídese la intervención más fayadiza pal camín. Polo que con medios propios tán acometiéndose les obres necesaries. Que consisten na creación d'una pequeña escollera de 3 metros d'altor, rellenáu con finos el trasdós de la mesma y con zahorra. Darréu, al so compactación va llevase a cabu l'asfaltáu de la zona” - remató Noceda.
Albandi
