Cursu de Marroquinería nes Escueles d'El Valle

Apocayá empecipióse'l taller de Marroquinería, nes Escueles d'El Valle, el taller tien anguaño una nutrida matrícula con 13 participantes carreñenses, residentes nes parroquies de Ambás, El Valle, Quimarán y LLorgozana.

Traátase d'una de les distintes actividaes que realiza'l Conceyu de Carreño al traviés de la área d'Igualdá pal cursu 2018-2019 y que va tener como docente, tres el correspondiente procesu de llicitación, a Fernando González García de “El Tallerucu de Sufer” como monitor, quien dispón d'una esperiencia de 20 años en trabayos d'artesanía y qu'impartió cursos n'otros llugares como La Isla o Colunga, onde ye residente.

El taller va tener como oxetivu la iniciación y el perfeccionamiento del trabayu en cueru, utilizando diversos tipos d'esti material como pudi ser el cueru de magüeta, de cabritilla o'l cueru de fantasía. Les y los participantes van aprender a ellaborar un proyectu en cueru de principiu a fin, dende la fase de patronaxe hasta l'acabáu y técniques como por casu el cosíu de guarnicioneru o'l repuxáu.