El Conceyu de Carreño dispuestu a siguir les negociaciones cola propiedá del Teatru Prendes

Tal que plantegamos nel plenu de la selmana pasada, nada torga que les negociaciones avancen, al igual qu'asocedió n'otros procesos similares como'l que dexó que Carreño esfrute del parque de Les Conserveres. Dende l'equipu de gobiernu siempres caltuvimos que sería importante llegar a un alcuerdu económicu y tenemos un mes p'aldericar, estudiar, apautar y axustar les partes coles mires d'aspirar a una xestión cultural más ambiciosa en Carreño”, esplicó Paula Cuervo, vocera del equipu de gobiernu.

“Hasta'l momentu nun hubo alcuerdu posible porque taben bien alloñaes les postures sobre'l valor del equipamientu. Agora bien, teniendo en cuenta qu'esisten informes técnicos ayenos a caúna de les partes, tamos a tiempu de llegar a un bon alcuerdu pa toos”, añedió Paula Cuervo.

La única llende que nos afitamos nesti ánimu negociador ye la defensa de los intereses xenerales de Carreño y esto pasa por nun pagar nin un euru más del valor que realmente tien el Teatru”, concluyó la edil.