Nuevu proyectu de collaboración ente delles árees de xestión municipal: mediu ambiente, educación, innovación, y tecnoloxíes de la información y la comunicación.

El Conceyu de Carreño pon en marcha un nuevu proyectu que va suponer l'actualización del catálogu del Xardín Botánicu del parque de “Less Conserveres” y la so introducción nel mundu de les nueves tecnoloxíes y aplicaciones pa dispositivos móviles. 

Nesti nuevu retu, el Serviciu municipal d'obres, coordinándo cola xefatura d'equipu de parques y xardinos, nun va tar solo, va cuntar cola collaboración, al traviés d'una asistencia técnica, del Equipu Científicu del Xardín Botánicu de Xixón pa l'actualización del catálogu;  ente que'l personal del Centru de Dinamización Tecnolóxica Local (CDTL) va ser l'encargáu de la so actualización pa poder consultalo la ciudadanía y trabayalo la comunidá educativa en formatu dixital.

“El Parque atópase enclaváu nuna zona privilexada del centru urbanu de Candás, ocupando una estensión de cai7.700 metros cuadraos. El so Xardín, inauguráu en mayu de 1.999, ye una amplia zona que convida al paséu y a la contemplación d'una interesante y variada  colección compuesta por más de 100 especies vexetales, partíes a lo llargo de les16 árees o zones  que formen la cortil” señaló Cecilia Tascón-Concejala d'Urbanismu.

“Nel Xardín podemos atopar especies d'Europa y d'América, de fueya perenne o caduca, pero poles sos característiques y dimensiones  destaca'l palmeral, con más de 20 palmácees distintes, de les que destaquen el trachicarpus martianus, les Phoenix,la cyca o'l cocu nucifera. Amás nel espaciu ajardinado atópase una gran variedá de coníferes, ente lrs que destaquen los distintos tipos de cedros. Tamién se tien una nutrida representación de xardones, olivos, carbayos, castañales, abedurios, llameres,...” rellató la edil.

Como exemplu d'estes especies hai que mentar:

• Magnoliu Chinu. Provien de Francia y tien una altor de siete metros. Ye una especie de tipu ornamental. Caracterízase porque les sos flores apaecen primero que les fueyes, siendo estes dende los tonos blancos al rosa purpúreu.

• Majuelo de Lavalle. El so orixe ta n'Europa y América. El so altor atópase ente los cinco y los siete metros. Les sos flores son blanques, ente que los sos frutos bazcuyen dende'l mariellu anaranxao hasta'l colloráu, siendo comestibles con un sabor a mazana.

• Falsu Castañu flor colorada. Típicu d'Europa y América del Norte. El so frutu ya igual al de la castaña ensin ser comestible, les sos flores son de color coloráu dispuestes en ramilletes erectos d'unos 15-20 cm. La so madera ye poco interesante pa la carpintería. Ye un híbridu.

• Cedru d'inciensu. El so orixe ta n'Estaos Xuníos. Puede llegar a los 45 metros d'altor. Ye un árbol ornamental con madera de color marrón claru y blandia utilízase pa la fabricación de llapiceros.

“Dientro de los elementos que componen el citáu parque destaquen  l'estanque cola so cascada y un regatu que se crucia por aciu una pequena ponte de madera. Nesta zona la vexetación esistente ta básicamente formada por felechos y otres especies como los acoros, los nenúfares y les osmudas. Complementando l'amuesa xuna colección d'esguiladores y parrotales”prosiguió Tascón.

“Dellos van ser los trabayos que caúna de les partes implicaes van tener que llevar a cabu. Nel casu del Xardín Botánicu de Xixón, tenemos qu'estimar al Conceyu vecín esta collaboración desinteresada, cola actualización d'un catálogu qu'anguaño cumplió la so mayoría d'edá. Éstos van tener qu'analizar caúna de les 16 zones nes que s'estrema'l Parque, señalando qué especie formen parte de caúna, alcontrala, la realización de la so correspondiente ficha,… Per parte de los profesionales del CDTL el so trabayu va consistir en xubir caúna de les zones con toles sos fiches a la páxina web municipal, creando distintos enllaces. Tamién tán trabayando nel diseñu d'una aplicación pa dispositivos móviles por aciu la señalización  de códigu QR, al traviés de la cual cualquier persona que s'asitie nuna zona pueda conocer al intre les especies y les sos característiques d'esa zona Amás d'unos itinerarios pedagóxicos” remató Tascón.