Rematáu'l periodu d'esposición pública de l'aprobación inicial del expediente espropiación del Teatru Prendes de Candás esta mañana, celebróse la comisión informativa de Facienda, estraordinaria y urxente, na que se trató de forma amplia y monográfica tolo relativo sobro la espropiación. Visto que'l PP de Carreño afirmaba indefensión y falta d'información, abondando no yá tratao y aldericáu en sesiones anteriores de comisiones informatives y plenos previos convocaos pola Alcaldía esta nueva sesión estraordinaria y urxente p'atender la necesidaes de procurar la participación efectiva de la representación política. Apurrióse nesta sesión copia de los últimos allegamientos recibíos les de la familia, según los informes preceptivos sobre les mesmes. A ella, asistieron amás de tolos grupos políticos, l'arquiteuta técnica de la mancomunidá, xefa de xestión urbanística de la Mancomunidá, la interventora y el Secretariu Municipal pa esclariar nuevamente cualquier información o resolver les duldes que pudieren demandar los grupos políticos de la Corporación. Formuláronse entrugues que respondieron los técnicos y apurrióse copia de la documentación en papel que se tenía disponible complementaria a la qu'a yá aportaron telemáticamente dende'l mesmu día de la convocatoria del Plenu.

Darréu celebróse la sesión plenaria estraordinaria y urxente. Fíxose con retrasu  por cuenta de qu'allongóse la comisión informativa previa pa esaminar tola documentación obrante nel Conceyu cuntando col asesoramientu técnicu d'intervención, secretaria y arquiteuta.

Dambes convocatories fueron sesiones estraordinaries urxentes, porque'l plazu de presentación d'allegamientos al espediente d'espropiación del Teatru concluyó'l día 24 d'Avientu, y presentáronse al respective dos: una formulada pol PP de Carreño'l día 21 y otra pola familia propietaria, que la formuló'l día 24 al fin de la mañana. Asina mesmu, l'aprobación del remanente, como yá conoz la Corporación, tien unos plazos llegales que nun se pueden saltar y la tramitación alministrativa de los espedientes antes de final d'añu, a 31 d'Avientu, deben de tar conforme a lo que señaló la interventora, d'ende la urxencia, que deriva claramente de la oportunidá de destinar y disponer d'un remanente de tesorería pa faer inversiones financieramente sostenibles, que van dexar amenorgar el gastu corriente del Conceyu (nel casu del teatru, por casu, al nun tener que pagar l'arriendu)  y d'interés xeneral pal Conceyu. Pa disponer d'esti dineru pa inversiones sostenibles éstes tienen que tar autorizaes a finales d'anguaño. La urxencia márquenla les condiciones qu'han de cumplise pa poder usar el conseñamientu presupuestariu que contempla'l remamente.

Les inversiones que se proponen con cargu a esti remanente y que tienen de tar autorizaes son: l'alquisición del teatru Prendes (pela vía de la espropiación al nun habese alcanzáu alcuerdu cola propiedá), la meyora de la rede de viales  del conceyu con actuaciones en delles parroquies incluyíu'l tramu d'accesu a viviendes nel camín C253 popularmente conocíu con de la Fonte El Queso na Braña (Perlora), los arreglos necesarios pa poder remunicipalizar la rede d'agües d'El Pieloro, la implantación d'una nueva pista de tenis reglamentaria y re urbanizar la zona pa instalar a posteriori dos pistes de pádel cubiertes.

Nel primer puntu del orde del día del Plenu, l'Alcaldesa efectuó la xustificación de la urxencia y procedióse al pronunciamientu del Plenu sobre la mesma. Apreciándose ésta con 9 votos a favor, de PSOE y SOMOS y 7 votos en contra d'IX y PP. Aprobada la urxencia aldericáronse los dos asuntos incluyíos nel orde del día. Si ésta nun resultara apreciada pol Plenu, llevantárase darréu la sesión.

-Aprobación definitiva del espediente de cambéu de creitu que supon l'aprobación de les inversiones del remanente esistente.

Esistía un allegamientu a esti espediente la formulada per San Juan de Tamón, la cuál tornárase yá en comisión informativa de Facienda yá la selmana pasada.

“Opunxímonos a un allegamientu comenenciudu, egoísta y contraria al interés xeneral de Carreño porque dende'l gobiernu local entendemos Carreño como un tou y nun vamos arrenunciar a inversiones que va esfrutar tol vecinderu de Carreño”, esplicó Paula Cuervo, vocera socialista.

Tornáronse diches allegamientos vecinales nel Plenu ratificando l'alcuerdu en base a los informes de la secretaría y l'intervención municipal, que conclúin qu'en nengún casu esiste obligación esixente nel Conceyu de Carreño que s'atope ensin tramitación per falta de conseñamientu presupuestariu y que, la inversión na alquisición del Teatru Prendes supon un amenorgamientu considerable del gastu corriente.

“Convien recordar que si hai un anteproyectu de saneamientu pa esta parroquia, el mesmu, foi por voluntá del gobiernu local una y bones nun hubo pidimientu vecinal dalguna de San Juan de Tamón, entidá que teniendo capacidá d'afitar les sos prioridaes en materia d'inversión per dos víes: presupuestos participativos y, nel so casu, propuestes d'inversión pal fondu de compensación de COGERSA, nunca esta plantegaron l'encetar proyectos de saneamientu pa la so parroquia, priorizando sicasí, obres nun camín de titularidá privada, escursiones y cursos, que nun llegaron a executase”, concluyó la vocera socialista.

L'espediente quedó aprobáu definitivamente, tornándose l'allegamientu vecinal. Votos a favor 9 (PSOE y SOMOS), y votos en contra 7 (IX y PP).

-Aprobación d'espropiación del Teatru Prendes, alcuerdu que se va unviar a la CUOTA pal so pronunciamientu.

Nesti asuntu aldericáronse dos allegamientos, la formulada pol PP el día 21 que se propón tornar en base a los informes técnicos emitíos. El PP de Carreño basó'l so allegamientu en que nun esistía xustificación pública pa espropiar el teatru, que víen erróneu'l procedimientu d'espropiación urbanística y que faltaba, según ellos nel espediente, la descripción del estáu material del Teatru. A tollo contesten los informes técnicos emitíos proponiendo tornar l'allegamientu. Ye inciertu que nun esista utilidá pública cuidao que la mesma vien implícita na aprobación del PGO, tal que determina l'artículu 104.1 del TROTU que determina la necesidá d'ocupación del edificiu destináu, nel plan, al establecimientu d'un serviciu públicu. El Teatru Prendes ye una dotación urbanística d'equipamientu cultural que ta dientro d'un sistema xeneral porque da serviciu a tol conceyu de Carreño y l'espropiación urbanística ta recoyida nesti casu nos supuestos del artículu 182 del TROTU. Sobre la descripción del estáu material del edificiu hai que señalar que s'apurrieron tolos datos necesarios.

Y la formulada pola familia, la cuál envalórase parcialmente, en cuánto al métodu de valoración emplegáu, modificando'l valor expropiatorio del teatru nuna cantidá cimera a l'aprobada primeramente pol Conceyu, siendo l'aprobada 896.348,18 € siguiendo'l métodu de valoración de comparanza. Esti informe de l'arquiteuta- cola nueva valoración - esplicólo en tientes l'arquiteuta na comisión informativa previa a tolos grupos. El métodu aplicáu ameyora *sustancialmente la valoración. Ye'l métodu que la CUOTA tamién aconseyó a l'arquitecta aplicar na tramitación.

Esaminóse la pericial apurrida pola familia, el día de Nuechebona nel rexistru, magar, a priori, paez trupa, al cuntar con 95 páxines, d'elles 38 son puramente descriptives, describen l'edificiu y ponen semeyes del mesmu y del so estáu actual y otres 20 falen de normativa, son copia y pega de normes, Analizáu dichu informe pericial  l'arquiteuta conclúi que nun se considera necesariu modificar l'informe de contestación de los allegamientos de la propiedá de fecha 26 d'avientu. La pericial presentada nun camuda'l valor económicu.

L'espediente quedó aprobáu definitivamente, tornándose l'allegamientu del PP y envalorando parcialmente la de la familia. Votos a favor 9 (PSOE y SOMOS), y votos en contra 7  (IX y PP).

L'alcuerdu plenariu alcanzáu güei no qu'a la espropiación respecta, ye un alcuerdu de trámite, porque la valoración municipal nun venceya a la CUOTA, quién van analizar l'espediente van emitir el so dictame y va haber un nuevu periodu de 20 díes por que quien consideren pueden alegar, d'ende va unviase al xuráu d'espropiación, y si fuera precisu, como yá pasó n'otres espropiaciones un xuez pronunciará sobre la mesma. Nun se produz, poro, la indefensión de la familia con esti procedimientu.

La información siempres se facilitó dende'l momentu nel que se tuvo y tolos partíos tuvieron siempres accesu a la información, accesu telemáticu y entrega de copies en papel de los últimos allegamientos ya informes preceptivos.

L'espediente nun ye nengún caprichu del gobiernu, ye una oportunidá d'utilizar un conseñamientu disponible pensando siempres dende l'interés xeneral del conceyu: amenorgar el gastu corriente, adquirir un patrimoniu pal Conceyu y siguir cuntando con un teatru públicu. 

Los tiempos emplegaos nun dependen solo d'una parte, si non de toles partes implicaes, que non siempres punxeron fácil l'adoptar alcuerdos p'avanzar na tramitación del espediente, y eso fai que la negociación llevase unos tiempos y al tar suxetos a unos plazos d'execución del remanente – finales d'añu- fuera necesariu allegar vía de convocatories estraordinaries y urxentes. 

“Dende'l primer minutu que se punxo sobre la mesa la opción d'adquirir el Teatru Prendes, el voceru del PP de Carreño opúnxose, buscando toa clase de impedimentos pa negase a la concreción y meyora. Y ello, ensin nengún arrebol, magar que'l so representante nel Patronatu que rixe'l Teatru comentara, yá na primer xunta celebrada del Teatru, la necesidá de mercalo. Como siempres el PP onde digo Diego... Por tanto, yera d'esperar que va sacar tola artillería pa xustificar la so negativa, interponiendo amás de los allegamientos al espediente un recursu pa pidir la suspensión de los alcuerdos que se vinieron adoptando. Dichu recursu como yá s'informó na Comisión va siguir el so trámite, según los sos plazos y cuándo tea informáu técnicamente va tratase. ¡Cuánta enerxía gastada en destruyir los alcuerdos democráticamente alcanzaos!. Y lo que resulta menos comprensible ye la postura d'IX, que del brazu de la derecha, niegue al conceyu esta oportunidá d'adquirir pa un usu públicu'l teatru. Va Poder espropiase, mercase'l teatru n'otru momentu pero, naide va poder negar la oportunidá que tuvimos anguaño, de proponelo y sofitalo, ensin empeñar al Conceyu, con dineru disponible del remanente pudiendo xenerar un aforru nel gastu corriente, dineru que podría dedicase l'añu que vien a más inversiones” – concluyó Paula Cuervu.