El próximu llunes, 10 d'avientu, abre en Carreño'l períodu d'inscripción pa la Colonia Infantil  “Menuda Navidá”.  

Van Ser 6 xornaes partíes nos postreros  y primeros díes del añu, 26, 27 y 28 d'avientu y 2, 3 y 4 de xineru. 

“La Colonia ye un proyectu municipal, gratuitu empuestu a facilitar la conciliación de la vida llaboral, familiar y social de les families en periodu vacacional navidiegu. Por aciu  la organización d'actividaes d'ociu educativu, en períodos non lectivos, averando a los neños y neñes una serie de recursos públicos. Poniendo al so algame unos materiales xuntu cola intervención de monitores, con experiencia n'educación nel tiempu llibre. Promuévese  y financia pola Conceyalía de Mocedá y en collaboración cola Oficina d'Información Xuvenil de la Mancomunidá Cabo Peñes” señaló Roberto Bueno-Conceyal de Mocedá.

“L'oxetivu d'estes actividaes ye ufiertar una serie d'actividaes d'ociu distintes con una clara orientación a la diversión de los neños y neñes de Carreño en períodu de vacacional. Nos que se va fomentar la motivación, la imaxinación y la participación, la convivencia d'ellos y elles, llevando a cabe actividaes d'integración cola redolada. va intentase espertar el so interés, la so creatividá y capacidá d'innovación, al igual que contribuyir al desenvolvimientu de les mañes necesaries p'afaese a les situaciones que van encarar na vida adulta y la so participación de forma activa na sociedá de la conocencia” comentó'l conceyal.

Les actividaes van constar de talleres nos que se va trabayar la espresión con actividaes artístiques La creación col aprendizaxe de técniques d'ellaboración de distintos oxetos y trabayos manuales. Siendo estes Actividaes Recreo-deportives: Basaes nel xuegu, onde pasalo bien prime sobre les capacidaes y aptitúes personales. Acaldía un deporte o un xuegu distintu. Xuegos pre-deportivos, populares y tradicionales, actividaes deportives y d'aire llibre... 

• Taller de xuegos de siempre Actividá al traviés de la cual van recuperase una serie de xuegos motores de la nuesa cultura, que los neños y neñes practicaron a lo llargo de distintes xeneraciones, afayando una nueva forma d'actividá física. 

• Actividá física con soporte musical Actividá al traviés de la cual pretende afayase una nueva forma de movimientu acomuñáu a estructures musicales: xuegos rítmicos y musicales, coreografíes y dances, desplazamientos nel espaciu y nel tiempu, xuegos simbólicos... 

• Cuentacuentos Ye una actividá na que por aciu la narración d'un cuentu, la so escenificación, daqué de atrezzo y vestuariu y l'implicación de los neños y les neñes nel cuentu, traátase de consiguir espertar la so imaxinación, la so desinhibición ya interés pola lliteratura infantil. 

• Gymkhanes, onde les pruebes d'inxeniu, habilidá y maña son la estrella.

La Colonia Menuda Navidá ta destinada a los neños y neñes que s'atopen ente los 4 y los 12 años. Pa ello entámense en dos grupos, de 4-6 años; y de 7-12 años.

Aquelles persones que tean interesaes en participar nesta actividá, tendrán d'efectuar la inscripción correspondiente, de forma gratuita, los díes 10, 12 y 14 d'avientu. Esta inscripción va poder faese de dos formes:

• Presencial. Allegando a la Oficina jpven Cabo Peñes allugada nel Edificiu Polivalente “La Baragaña” en Candás los llunes y vienres de 9:00 a 14:00h y miércoles de 9:00 a 14:00 hores y de 16.00 a 17:00 hores.

• On-line. Unviando corréu electrónicu a oij@mcabop.com

Pa más información puede consultase la páxina web municipal www.ayto-carreno.es/evento, onde tán disponibles pa la so descarga les distintes fiches d'inscripciones y tola información relativa al llugar y horariu de impartición del programa Colonia “MENUDA NAVIDÁ”