En Candás desenvuélvese estos díes una iniciativa intergeneracional denominada “Colores contra la Violencia de Xéneru”, la mesma cuerre al cargu de la pintora candasina María Jesús Fernández Iglesias. Esti taller de sensibilización y desenvolvimientu creativu enmárcase dientro de les distintes actividaes que'l Conceyu de Carreño programó en redol al 25 de Noviembre, Día Internacional contra la Violencia escontra les Muyeres.
Nél participen usuaries y usuarios del Centru de Sofitu a la Integración y Centru de Día de Candás, trátase d'una esperiencia interxeneracional ente mayores y persones con diversidá funcional del conceyu de Carreño. Empuestos pola pintora María Jesús Fernández Iglesias, van crear n'un metacrilato el so particular mundu de colores pa xenerar conciencia de los problemes a los que s'enfrenten les muyeres y contribuyir a que sensibilizando a la población puedan exercer les sos llibertaes faciendo realidá los sos derechos, como'l de vivir ensin violencia. participar paritariamente nes decisiones y desenvolvese profesionalmente nes mesmes condiciones que los homes.
Les resultancies de la creación grupal que realicen van podese visibilizar nel Centru Polivalente “La Baragaña” de Candás onde va ser espuestu.
Albandi
