L'Ayuntamientu de Carreño ta en procesu de llicitación de les obres necesaries pa la instalación de pavimentu sintéticu na pista descubierta d'atletismu esistente nel complexu polideportivu municipal Vicente López Carril de Candás. Con esti pasu, cúmplense los compromisos adquiríos y avánzase escontra la materialización d'unes obres que tuvieron un eleváu sofitu popular na ellaboración de los presupuestos participativos del presente exerciciu.  

Dicha pista consta d'un óvalu de 250 m. de cuerda interior, con cuatro calles, y una  recta de 124 m. de llargor con seis calles. Dispon na actualidá, en tola so superficie, d'un pavimentu asfálticu desaparente pa la práctica del atletismu con zapatielles de clavos.

L'actuación proyectada plantega la instalación sobre la base esistente, nes dos cais esteriores del óvalu y na parte de la recta esterior a éstes, d'un pavimentu sintético bicapa proxectáu “in situ” que, cumpliendo los requisitos de la IAAF, apurra un grau de protección, estabilidá y adherencia que dexe la práctica del atletismu de forma más segura y fayadiza. Nun s'actúa enagora sobre les dos cais interiores del óvalu, que se pretende acutar pal desenvolvimientu d'otres actividaes deportives.    

Esiste amás un pasiellu d'aproximamientu al foso de saltos, de 38 m. de llargor, asitiáu nel interior del óvalu de la pista y que tamién tien pavimentu asfáltico, al qu'igualmente se pretende dotar del nuevu pavimentu sintéticu.

La superficie total a pavimentar totaliza 1.403,69 m2.

DESCRIPCIÓN DE LES OBRES

Sobre la base regular de pavimentu asfálticu esistente, va executase'l pavimentu sintéticu bicapa proyectáu “in situ”, de 16 mm. d'espesura mínima. Ésti va constar d'una primer capa de imprimación, na que se va aplicar la capa base consistente nun granosu de cauchu Estireno Butadieno (SBR), de granulometría afecha (1-4 mm.), amestáu con resines de poliuretanu monu-componente, estendíu mecánicamente pa consiguir la espesura, compactación y granulometría fayadizos por aciu extendedora especial dotada de riegles calefactaes y controles de nivel, con una espesura media de 11 mm., posterior aplicación de tapa-poros, pa rematar con una capa de resina de color y aplicación de micro granosu ce cauchu polietileno propileno dieno monómero (EDPM) del mesmu color, con carga mínima del amiestu de 4,5 kg/ m2, espesura 2-3  mm. y granulometría 1-4 mm.

La realización de les llabores necesaries pa la instalación de la capa base y pal amiestu de la resina va riquir l'usu de maquinaria específica.

Una vegada concluyida la instalación del pavimentu va llevase a cabu'l so señalización, previu replantego de la mesma. Pa ello utilizará pintura d'esmalte de poliuretano de color blancu.

PRESUPUESTU 

El Presupuestu Base de Llicitación xube a la cantidá de SESENTA MIL DOSCIENTOS CUATRO EUROS con NUEVE CÉNTIMOS (60.204,09 €).

El Presupuestu Total (IVA incluyíu) xube a la cantidá de SETENTA Y DOS MIL OCHOCIENTOS CUARENTA Y SEIS EUROS con NOVENTA Y CINCO CÉNTIMOS (72.846,95 €).