II Ruta de Belenes de Candás

L'Asociación de Belenistas de Candás, del 9 d'avientu al 5 de xineru, entama per segundu añu consecutivu la II Ruta de Belenes de Candás. 

La Ruta consta de 5 puntos de la Villa Marinera na que poder esfrutar de belenes y dioramas navidiegos de distintos tipos.

Nesta nueva edición varies son les novedaes que nos traen. Amás de la Esposición de Belenes del Mundu de la Casa de la Cultura o'l Belén con figures de Playmobil, ta'l gran diorama de l'Adoración de los Reis Magos nel Edificiu Polivalente “La Baragaña” . De normal los dioramas tán en caxones de 60x80 centímetros, ente que ésti mide 3x2 metros.

Otra de les novedaes va ser l'I Concursu Fotográficu que se va desenvolver nes mesmes feches que la II Ruta de Belenes. Nél premiaráse a les meyores fotografíes rellacionaes cola Ruta de Belenes de Candás. Les bases d'esti concursu atópense publicaes na cuenta de Facebook: Asociación Belenista de Candás.

Los cinco puntos d'II Ruta de Belenes nos que podrá almirase estes pequeñes obres artes son:

·      Parque “Les Conserveres”. Esti Misteriu atópase instaláu nun exterior. Destaquen d'él dos aspeutos, el primeru les figures, encargaes a un taller fallero de Valencia y el segundu, la redolada.  Al dar un paséu en busca de la nacencia podrá almirase tamién los xardinos del parque, un pequeñu xardín botánicu con gran variedá d'especies vexetales . Nun tien horariu de visita.

·      Teatru Prendes. Nel hall del Teatru puede visitase un misteriu que mientres años s'asitió na Plaza de La Baragaña antes de la construcción del misteriu del Parque “Les Conserveres”. Puede visitase nel horariu de les funciones del Teatru.

·      Belén de la Ilesia de San Félix de Candás. Formáu por maquetes, inclúi tamién figures en movimientos, efectos sonoros y llumínicos, como antorches y la transición día-nueche. El belén complétase con un gran númberu de figures, con especial atención a les sos maxestaes los Reis Magos d'Oriente del conocíu taller de Olot. La casi totalidá de les pieces fueron feches poles persones pertenecientes a l'Asociación.

L'horariu de visita va ser tolos díes de 9:00 a 13:00 h y de 16:00 a 21:00 h.

·      Gran Diorama “Adoración de los Reis Magos”.  Escena de l'Adoración de los Reis Magos al Neñu Jesús a manera d'un Gran Diorama de 3x2 metros.

L'horariu de vista : de llunes a vienres de 9:00 a 21:00 h; sábados, domingos y festivos de 10:00 a 13:00 h y de 16:30 a 21:00 h; 24 y 31 d'avientu de 10:00 a 14:00 h; 5 de xineru de 10:00 a @13:@00 h; 25 d'avientu y 1 de xineru zarráu.

·      Belenes del Mundu, Dioramas y PlayBelén. Esposición de Belenes del Mundu y Dioramas vencíos pola Asociación Belenista de Xixón. Dioramas de l'Asociación Belenista de Candás y una Esposición de Belén con figures con Playmobil.

L'horariu de visita: martes, miércoles y xueves de 19:00 a 21:00 h; vienres de 12:00 a 14:00 h; sábados y domingos  de 12:00 a 14:00  de 18:00 a 21:00 h; 24 y 31 d'avientu de 10:00 a 14:00 h; sábadu 5 de xineru 10:00 a 14:00 h. Los díes 25 d'avientu y 1 de xineru va tar zarráu.

L'Asociación Belenista de Candás ye una asociación ensin ánimu d'arriquecimientu, de recién creación, que pretende fomentar la construcción y montaxe de belenes mientres les navidaes. Na so curtia vida, a lo llargo del 2018, impartió dellos  cursos de iniciación y perfeccionamiento, participaron en diversos mercaos como por casu nel Clariniano, que se celebra añalmente en Candás y entamáu el Segundu Concursu de Belenes, nel que van poder participar tolos belenes particulares de Carreño del 22 d'avientu al 4 de xineru.