El conceyu de Carreño va cuntar estes Navidaes con una pista de xelu ecolóxico instalada nel Parque de “Les Conserveres”. Dende la Conceyalía de Festexos coordinando con toles árees municipales una programación navidiega bien completa que va dar empiezu, mañana xueves, 6 d'avientu col encendíu navidiegu y cola inauguración de la pista de xelu.
“Va Ser la primera la vegada que'l Conceyu tenga una instalación d'estes característiques. Nes visites que fiximos a los centros escolares mientres el procesu de presupuestos participativos y nes votaciones de los mesmos, una de les idees más demandaes, que se nos punxo enriba de mesa, foi la organización d'actividaes lúdiques que los sos destinatarios/es fueren les persones más moces y que tuvieren rellacionaes col deporte. D'ende la iniciativa d'anguaño de asitiar una pista de xelu para estes Fiestes Navidiegues” – comentó Paula Cuervo, Conceyala de Festexos.
“La pista de xelu va tar instalada en “Les Conserveres” un mes, dende'l 6 d'avientu al 7 de xineru, dambos inclusive. Les persones que deseyen faer usu de les instalaciones deportives nun van tener qu'abonar tasa dalguna, yá que va ser una actividá gratuita, incluyíu los patinos. Entá tamos peracabando la duración de les veces y el númberu de persones máximu que puedan participar en cada unu d'ellos. Pero va ser casi seguro sesiones entre 15 – 20 minutos con un máximu de venticinco persones per sesión” prosiguió la conceyala
“La pista que ta instalada en “Les Conserveres” ye una pista de xelu ecolóxico con una superficie aprosimada de noventa y seis metros cuadraos. Fecha con materiales innovadores, vanguardistas y más sostenibles, qu'asonsañen la sensación de patinaxe, consiguiendo un deslizamiento ópticu d'una pista d'agua conxelao. La pista ta formaes por plaques autu-lubricadas, que van espulsando líquidu a lo llargo de la so vida útil para dexar un deslizamiento óptimu” – señaló Cuervo
“La Conceyalía de Festexos apostó para esta iniciativa, por un material ecolóxicu. Esti material dexa que los costos de caltenimientu sían mínimos, yá que nun se necesita de máquines refrixerantes para caltener el xelu a la temperatura necesario para'l so correctu funcionamientu. Una pista convencional d'estes característiques, mientres el mes que va tar operativa, riquiría para'l so funcionamientu 1.100 kilovatios, 2.700 llitros d'agua, 1.050 llitros de gasóil y emitiría una tonelada de CO2 a l'atmósfera. Sicasí, les pistes ecolóxiques nun precisen d'enerxía, agua o gasóil para'l so caltenimientu, amás de nun emitir CO2 a l'atmósfera”– remató La concejala
Los horarios d'apertura de la pista de xelu van ser los siguientes:
• 6 d'avientu, inauguración de 17:00 a 21:00 hores.
• 7-8 y 9 d'avientu de 11:00 a 14:00 y de 17:00 a 21:00 hores.
• Del 10 al 14 d'avientu de 17:00 a 21:00 hores.
• 15 y 16 d'avientu de 11:00 a 14:00 y de 17:00 a 21:00 hores
• Del 17 al 21 d'avientu de 17:00 a 21:00 hores.
• Del 22 d'avientu al 7 de xineru de 11:00 a 14:00 y de 17:00 a 21:00 hores (sacante'l 25 avientu y 1 xineru, namá de 17:00 a 21:00 hores)
Albandi
