Carreño xestionó l'adopción d'una trentena d'animales errantes no que va de llexislatura

El Conceyu de Carreño, que nun dexó d'emprestar el serviciu de recoyida d'animales errantes, ta licitando la contratación d'esti serviciu”, esplicó Roberto Bueno, conceyal de mediu ambiente. 

Al traviés de la área de mediu ambiente xestionóse l'adopción de 29 perros no que va de llexislatura. Al nun disponer nel conceyu d'un centru de depósitu d'animales abandonaos o errantes y al quedar desierta la primer llicitación del serviciu de recoyida, dende'l conceyu empecipióse un nuevu procedimientu de llicitación y mentanto, el serviciu viénose emprestando, al traviés de la contratación escepcional d'un centru integral d'atención a mascotes. Polo tanto'l conceyu cumplió les sos obligaciones llegales en relación con esti asuntu porque anque nun s'axudicara la contratación del serviciu ello nun implica que'l serviciu nun se viniera emprestando siguiendo'l protocolu de recoyida d'estos animales por parte de personal especializáu”, añedió'l conceyal.

En 2018 recoyéronse 5 animales, de los cualos dos fueron reclamaos y recoyíos darréu polos sos propietarios y unu foi adoptáu, no que va d'añu, unu yá foi adoptáu y otru permanez nel centru. El costu total d'esti serviciu pa les arques municipales dende 2018 xube a 2.994,75 euros”, concluyó Roberto Bueno.