Conclúi Menuda Navidá

La entrega de diplomes a les persones que participaron na Colonia Menuda Navidá pon el broche final a dos selmanes d'actividaes lúdiques gratuites, nos que los talleres, xuegos, gymkhanes enxareyáronse con paseos, cuentacuentos o tradiciones d'esta dómina navidiega. 

L'actu de clausura celebróse nel centru Polivalente “La Baragaña” y tuvo la presencia, en representación del Conceyu de Carreño, del Conceyal de Mocedá, Roberto Bueno y de la Conceyala de Bienestar Social Paula Cuervo.
Esta nueva edición participaron 63 neños y neñes. Distribuyíos en trés grupos d'edá:

• Grupu 4-5 años: nel que participaron un total den28 neños y neñes.
• Grupu 6 años: integráu por un total de 13 neños y neñes.
• Grupu 7-12 años: nel que participaron un total de 22 neños y neñes. 

Menuda Navidá” ye un proyectu lúdicu-educativu por aciu el cual entámense una serie d'actividaes d'ociu educativu en períodos non lectivos averando a los neños y neñes una serie de recursos públicos. Ye un programa promovido y financiando pola Conceyalía que presido en collaboración cola Oficina d'Información Xuvenil perteneciente a la Mancomunidá Cabo Peñes, que ye la encargada de la so organización” comentó'l Conceyal de #Juventud- Roberto Bueno.

Un programa col que tratamos de conciliar la vida llaboral y familiar desenvolviendo actividaes d'animación Infantil en periodu vacacional. Y estableciendo  como marcu de referencia un llugar onde les families puedan dexar a los sos fíos/es en bones manes, sabiendo que tán sofitaos por un programa altamente educativu y un personal responsable y esperimentao” prosiguió'l conceyal.

Al traviés  de les actividaes Recreo-deportives, los talleres de xuegos de siempre, les  actividaes físiques con soporte musical, los  Cuentacuentos o les  Gymkhanas intentóse que los as neños/es esfruten de les sos vacaciones, conociendo y rellacionándose con otros as compañeros/es de la so edá y esfrutando de les actividaes, participando nes mesmes y sintiéndose los protagonistes d'elles” rellató Bueno.

Ente los oxetivos d'estes acciones atópase educar en base a valores de convivencia y tolerancia, respetu al restu de participantes en particular y a les persones polo xeneral, emplegando la empatía y la asertividad na forma de resolver conflictos ente los y les participantes. Que los neños y neñes desenvuelvan les sos capacidaes físiques y mentales: manualidades, desenvolvimientu motor, superación personal, compañerismu... amás de fomentar actividaes d'integración y automotivación, desenvolviendo les capacidaes individuales de cada participante” remató'l responsable de Mocedá.