Inminente selección de 2 mozos/es pa formación y empléu nel sector de llimpieza

Esti vienres, 11 de xineru, ábrese'l plazu de presentación d'instancies pa la selección de dos persones nel marcu del programa de Garantía Xuvenil “Joven Ocúpate” 2018-2019 “Luce Carreño”.

“Joven Ocúpate” ye un programa d'empléu y formación al traviés del cual el Principáu d'Asturies en collaboración colos Conceyos y entidaes privaes  aplica la Garantía Xuvenil. Estos programes ufierten a la mocedá asturiana la posibilidá de llograr un certificáu de profesionalidá nivel 1, amás de recibir asesoramientu llaboral, complementándose con un contratu pa la formación y l'aprendizaxe.

El proyectu va tener xuna duración, averada, de 6 meses, nos que l'alumnáu va tener un contratu de formación y aprendizaxe col Ayuntamientu de Carreño y coles siguientes característiques:

1ªetapa: 3 meses, 30% xornada trabayo efectivu, los participantes van poner en práctica les conocencies adquiríes, y 70% formación en competencies clave. va percibise un 30% del SMI.

2ª etapa: 3 meses siguientes, 4º y 5º mes xornada distribuyida al 50% formación y 50% trabayu y l'últimu mes va dedicase un 25% a formación y 75% trabayu. El 4º y 5º mes percibiráse un 50% del SMI y el 6º mes el 100% del SMI.

A lo llargo de los seis meses, aprosimao, de duración del programa “Luce Carreño” l'alumnáu participante va recibir la formación específica empobinada al llogru del Certificáu de Profesionalidá “Llimpieza n'espacios abiertos ya instalaciones industriales” (SEAG@0209). L'alumnáu va compaxinar esta formación cola práctica llaboral, que'l so oxetu va ser la realización de diverses actuaciones pa la meyora del aspeutu d'espacios públicos de la villa de Candás: llimpieza viaria, de parques y xardinos, y llimpieza de sableres de Carreño” comentó Cecilia Tascón, conceyala responsable de Recursos Humanos del Conceyu.

Ente los requisitos necesarios que tienen de cumplir les persones qu'opten a estes places atópense:

· Tener la nacionalidá española o ser nacional d'otros estaos según el Real Decretu 5/2015, de 30 d'ochobre.
·Tener la capacidá funcional pal desempeñu de les xeres habituales de los puestos convocaos.
·Tener más de 16 años y menos de 30.
·Tar inscritu/a nel ficheru del Sistema Nacional de Garantía Xuvenil.
·Ser desemplegaos/es y tar inscritos/es como demandantes d'empléu nel Serviciu Públicu d'Empléu del Principáu d'Asturies.
·Llevar más de 6 meses en situación de desempléu nel momentu de la selección.

El plazu de presentación d'instancies va ser de 10 díes, del 11 al 21 de xineru del 2019, dambos inclusive.

Les persones comenenciudes tendrán de presentar solicitú xuntu col restu de la documentación necesaria nel Rexistru Xeneral del Conceyu de Carreño asitiáu na c/Santolaya, 1-3 de Candás nel siguiente horariu:

·Llunes, miércoles, xueves y vienres. de 9:00  a 14:00 hores.
·Martes de 9:00  a 14:00  y de 15:00  a 18:30 hores.

Nel casu nel que la instancia de solicitú unviárase por corréu ordinariu, la persona aspirante tendrá d'anunciar al Conceyu de Carreño por aciu fax (98-588-47-11) o email (sergenerales@ayto-carreno.es) nel mesmu día, dicha remisión. Ensin dichu requisitu nun va ser almitida la instancia, si ye recibida nel Conceyu con posterioridá a la fecha de determinación del plazu. Igualmente, les solicitúes, van poder ser presentaes electrónicamente.