Esti sábadu 19 de Xineru celebróse na Casa de la Cultura de Candás la Charra Coloquiu: Retos de futuro, Morir dignamente.
Na mesma participaron como ponentes D. Luis Javier Rodríguez Morán, llicenciáu en Psicoloxía, Especialista Universitariu en Sicopatoloxía y Salú y presidente de la sección asturiana de l'asociación Derechu a Morrer Dignamente, esta asociación escuerre dos fines na so acción estatal promover el derechu de toa persona a disponer con llibertá del so cuerpu y de la so vida, y a escoyer llibre y legalmente el momentu y los medios pa rematala según defender, de manera especial, el derechu de los enfermos terminales y irreversibles a morrer ensin sufrimientu, si esti ye'l so deséu espreso.
Na mesma participaron como ponentes D. Luis Javier Rodríguez Morán, llicenciáu en Psicoloxía, Especialista Universitariu en Sicopatoloxía y Salú y presidente de la sección asturiana de l'asociación Derechu a Morrer Dignamente, esta asociación escuerre dos fines na so acción estatal promover el derechu de toa persona a disponer con llibertá del so cuerpu y de la so vida, y a escoyer llibre y legalmente el momentu y los medios pa rematala según defender, de manera especial, el derechu de los enfermos terminales y irreversibles a morrer ensin sufrimientu, si esti ye'l so deséu espreso.
Túvose la participación de Dña. Carmen Eva Pérez Ordieres, diputada de la Xunta Xeneral del Principáu d'Asturies, ye Llicenciada de Derechu pola Universidá d'Uviéu, en 2010 collaboró col Institutu Asturianu de la Muyer nos trabayos previos d'ellaboración de la Llei Del Principáu pa la Igualdá de Muyeres y Homes y la Erradicación de la Violencia de Xéneru.
Moderó la mesa Ricardo de Dios del Valle, Ricardo de Dios ye Médicu Especialista en Medicina Familiar y Comuñal, Psicólogu máster en Bioética, anguaño desenvuelve les funciones de Subdireutor d'Atención Sanitaria y Salú Pública de la Área Sanitaria IV y ye Vicepresidente de l'Asociación de Calidá Asistencial del Principáu d'Asturies
Na charra encetóse'l derechu a morrer dignamente, tomando como referencia la Llei del Principáu d'Asturies 5/2018, aprobada'l pasáu 22 de xunu, sobrr derechos y garantíes de la dignidá de les persones nel procesu del final de la vida, esta llei tien por oxetu la regulación de los derechos que correspuenden a les persones nel procesu del final de la so vida, entendíu como aquella situación en que la persona atópase en situación grave ya irreversible, terminal o d'agonía, que careza un sufrimientu refractariu, sía frutu d'una enfermedá progresiva o d'un procesu súbitu. Coles mesmes, regula los deberes del personal del ámbitu sanitariu y social qu'atienden a la persona mientres el procesu del final de la so vida y les garantíes que los centros ya instituciones sanitaries y de servicios sociales nos que s'empresta asistencia sanitaria tán obligaos a apurrir, tanto a les persones enfermes como a los profesionales, con respectu al mentáu procesu.
En Carreño nel Centru de Salú de Candás, el Trabayador Social, informa y tramita al rexistru'l testamentu vital.
Albandi
