Nuevu allumáu públicu n'Ambás

La Conceyalía de Mediu Rural va acometer l'arrayadures necesaries pa la instalación del allumáu públicu nos caminos que xunen el barriu d'El Rodil col d'El Montico na parroquia de Ambás. Esta nueva instalación va ser financiada, conxuntamente, al traviés del Fondu de Compensación de Cogersa pal añu 2018 y del Plan Integral de la Zona Rural del Conceyu de Carreño.

Ente les propuestes que l'Asociación Vecinal “Santiago de Ambás” fíxonos llegar por que treslladáramos al Consorciu, pa la so aprobación pola Comisión Delegada formularon un cursu de cocina, y l'instalación d'un allumáu públicu en dos de los caminos, de naturaleza pública, de la parroquia. La Comisión Delegada, na que'l Conceyu de Carreño ta representáu polos conceyales d'IX y Somos, aprobó esti pidimientu xuntu col restu de pidimientos de la parroquia de Tamón” comentó Manuel Noceda-Conceyal de Mediu Rural.

Añalmente, los Presupuestos del ente autonómicu, al traviés del Fondu de Compensación  tienen una partida prevista pa subvencionar, al traviés de los Conceyos , a les parroquies colindantes col vertideru. Nel exerciciu del 2018 la entidá concedió al Conceyu de Carreño una subvención  pa financiar actividaes socioculturales, infraestructures y equipamientos qu'ameyoren la calidá de vida de la vecindá de les parroquies de Ambás y Tamón por un importe de 54.091 €, de les qu'a lo más 15.000, pudieron destinar a les actividaes socioculturales”señaló'l conceyal.

La puesta en marcha d'esti allumáu en Ambás quedó sin llicitar nun primer procesu. volvió a llicitase y tres esti segundu procesu la instalación  del nuevu allumáu axudicóse a la empresa Monceme, S.L. por un importe de 8.154,19 €. Siendo'l plazu de la obra a executar d'un mes dende la firma del contratu. 

La instalación, que pretende executase, plantegase en dos tramos de los caminos de titularidá municipal, C-98 y C-386, camín d'El Montico y camín de La Cuesta, respectivamente, que xunen el barriu d'El Montico col Barriu d'El Redal. La cual consiste, fundamentalmente na implantación completa de seis nuevos puntos de lluz, constituyéndose un nuevu circuitu independiente de les instalaciones d'allumáu públicu circundantes” prosiguió Noceda 

“El nuevu allumáu públicu de seis lluminaries pa esterior  van disponese sobre postes prefabricaos de formigón de nueva implantación empotraos en cimientos de formigón en masa HM-25,  soterraos a una fondura de 1,30 m. Ente que el cableaxe, el tendíu eléctricu, va ser el de tipu neutru Armelec, ente soportes dende'l nuevu armariu y protección, montáu sobre cimentación soterrada de formigón en masa” rellató'l Conceyal

A la de la ellaboración del diseñu y  elección de los materiales a emplegar na realización del allumáu, túvose en cuenta tanto la sostenibilidá como l'aforru enerxético, pal correctu funcionamientu de la instalación. Respetando en tou momentu la normativa eléctrica que demanda'l Real Decreto 1890/2008 sobro Eficiencia Enerxética n'Allumáu Públicu”. D'esta manera escoyéronse materiales col sellu ECU3 que engloban sostenibilidá xuntu con ecoloxía aplicada al llume na que imperen trés idees básiques: el máximu usu de materiales reciclables de lluminaries y puntos de lluz; diseñu d'instalaciones y lluminaries con una llata eficiencia enerxética; so nivel de contaminación llumínica controlando les emisiones de lluz” puntualizó'l conceyal de Mediu Rural

Ye por ello que s'escoyeron equipos col consumu necesariu pal llugar d'instalación. Amás van instalase equipos pal control del encendíu innecesarios y equipos de doble nivel, esto ye, pal control del fluxu lluminoso en función de les hores de mayor o menos actividá. Tou pa consiguir una meyora enerxética y medioambiental en base a la optimización del consumu enerxéticu, l'usu d'equipos d'alta eficiencia enerxética y el mayor respetu y caltenimientu del mediu ambiente” remató Manuel Noceda- Conceyal de Mediu Rural